Grammarfjúk

2005-01-16T13:26:00.000Z

Þetta er allt að ganga..

hjá mér. Ég steig á vigtina og tók vikulega tölu, hún sagði mér að ég hafði lést um 1 kg sem er mjög gott, einnig tók ég sentimetramálin og ég hafði misst fullt af þeim líka!!
Magi var 123cm en komin niðrí 116cm,
rassin var 120cm en komin niðrí 116cm,
brjóstin voru 115,5cm en voru komin niðrí 110cm
mittið var 101cm en ég var komin niðrí 95,5cm.

Brjálað að gera í skólanum og nú erum við Sveinn búin að færa brúðkaupsdaginn. Brúðkaupið fer sem sagt fram 19 Febrúar spurning hvað ég næ miklu af mér fyrir þann tíma? En jæja hef sagt nóg í bili, sjáumst síðar

2005-01-10T17:23:00.000Z

Jæja þá er....

skólinn byrjaður. Þetta byrjar ekki gæfusamlega hjá mér, þurfti að fara fyrr heim úr seinasta tíma í dag til að fara með stelpuna til læknis, svo á morgun þarf ég að vera í fríi því ég þarf að fara með stelpuna til læknis í bænum. Jæja ég vona bara að fall sé fara heill. ;) Dagurinn í gær gekk alveg fullkomlega og leit hann svona út.

Morgunmatur: 30g brauð, 25 g 17%feitur ostur, 15g olivio og 1og1/4dl appelsínusafi.
Hádeigismatur: 120g lagsania, vatn, 300g grænmeti, 30 g brauð og 15g olivio.
Miðdeigiskaffi: 30g brauð, 15g olivio og skinka.
Kvöldmatur: 170g bjúgu, 300g grænmeti og grænarbaunir og rauðkál.
Kvöldkaffi: 4dl létt ABmjólk með eplamús búin til úr 2 eplum og þurrkaðri minntu.

Jæja þarf að fara drífa mig í lærdóminn. Sjáumst síðar skvísur.

2005-01-09T13:35:00.000Z

BARA RÉTT....

að láta vita af mér. Dagurinn í gær fór nú eginlega allur úr skorðum. Var með gesti framm yfir hádeigi og þurfti að vera mætt annarsstaðar kl. 1, þannig að hádeigismaturinn fór fyrir lítið. Svo þegar ég var búin þar þá fór ég strax í afmæli. Reyndi nú að láta kökurnar eiga sig sem gekk bara vel, og borðaði flatkökur í staðinn. Svo kom ég heim og borðaði kvöldmat. Þannig að dagurin leit svona út.

Morgunmatur: 30g cheerios, 2 dl létt AB mjólk, 1 og 1/4 dl appelsínusafi, 30 g ristað brauð, 1 tsk olivo.

Hádeigismatur : Engin :o(

Kaffi: nokkrar flatkökur með heimatilbúnni kæfu og svo ein bolla

Kvöldmatur: Lagsania 170g, 300g grænmeti og vatn.

Kvöldkaffi: 2dl létt ABmjólk með smá muslí útí.

Jæja ætla ekki að hafa þetta mikið lengra í dag. Skjáumst síðar gellur ;)

2005-01-07T18:27:00.000Z

Jíbbý

Fór í brúðarkjólamátun í dag. Fílaði mig ekki eins og hval, sem var mjög gott. Fann mjög trúlega þann kjól sem ég ætla að gifta mig í, sem var líka mjög gott. Borðaði góðan og hollann mat þó ég væri í Reykjavík, sem var náttúrulega best.
Fór og borðaði hádeigismat á Næstu grösum og hann var bara ógeðslega góður fékk mér svo lítinn subb með grænmeti í svona millimál/kaffi tíma. Drakk svo einn kristal plús og nokkur glös af vatni. En ég er sammála Bryndísi með afeitruninna, löngunin eða réttara sagt minnið er enn til staðar. Maður hugsar kannski "já ég á nammi upp í skáp, best að fá sér smá.... nei alveg rétt nú er ég hætt að borða nammi." Það er ekki enn komin söknuður í ákveðnar tegundir af mat en ég þekki mig og veit að hann á eftir að koma. Þá er bara að vera sterk.

Nú í kvöldmat þá er ég boðin í mat til tengdó og ég ætla að taka með mér grænmeti (300g) og vigtina mína, mér er sama þó hún móðgist hér er líf í húfi!! Ég vil svo þakka ykkur öllum fyrir frábær komment og pepp, ÞIÐ ERUÐ FRÁBÆRAR! ;o)

2005-01-06T17:53:00.000Z

NÝJUM ÁRUM FYLGJA NÝIR SIÐIR

Stóð einhverstaðar skrifað. Ég hef gert samning við sjálfan mig eftir sjálfsblekkingu jólanna. Ég ritaði samninginn upp og skrifaði undir hann, vantaði bara löggildinguna. Ég er stollt af samningunum mínum við sjálfan mig... nú er bara að standa við hann.

Ég finn jóla-spikið vella um líkama minn og eftir allt þetta át er geðheilsan eins og...... jhaa eins og hún var áður en ég byrjaði í megrun. Ranghugmyndir geðveikinar varnar mér svefn, ég er óíbúðarhæf. Ég sagði upp og gekk út frá sjálfri mér. Ég hef fengið nóg af "yndisleik jólanna" sem er martröð hverjar offeitar manneskju.

Nýju ári fylgja nýir siðir og mínir verða þeir sömu og þeir voru áður en ég gafst upp fyrir ranghugmyndunum, ég einset mér að léttast um 25 kg á þessu ári í tveim áföngum. 13 kg fyrir brúðkaup og 12 kg eftir brúðkaup og fram að áramótum 2005. Þetta geri ég með mataræðinu mínu skrifuðu upp fyrir mig og eina fyrir mig að gera að fara eftir því. Þetta geri ég með því að fá mér einkaþjálfara í alla vega mánuð. Þetta geri ég með að viðurkenna mig sem fallega, gáfaða og sjálfstæða manneskju. Þetta geri ég með því að bæta tíma inn sem er bara fyrir mig. Þetta geri ég með því að fyrirgefa gamlar syndir og svo að fyrirgefa gömlum skuldunautum. Þetta geri ég með því að fyrirgefa sjálfri mér fyrir að leyfa mér að verða svona feit. Þetta geri ég með stuðningi minna nánustu.

Ég vona að ég get stutt mig við ykkar stuðning nú sem endranær.

GLEÐILEGT NÝTT ÁR STELPUR

2004-12-13T16:18:00.001Z

Bahh.....

Jæja þetta próf búið! Efnafræði er ekki mitt fag, það er alveg á hreinu. En ég skilaði mínu og nú er bara að vona og biðja um að ég nái, er búin að fá útur fullt af prófum en ekki því sem ég er hræddust um að hafa fallið í !!!! Þetta stress er að fara með mig og nú er ég komin með flensu ofan í allt ARRRRGGG en jæja bara eitt próf eftir og það er á fimtudaginn, og það verður vonandi frekar létt!!

Allt hitt bara gengur svona einhvernvegin.......vona að ég lifi bara þessa helför af ;o) Er reyndar núna bara að vorkenna sjálfri mér (það er svo gott stundum) en lundin er mikið betri núna en síðast og þó svo að ég sé að fá einvhern kverkaskít þá lýt ég heimin bjartari augum nú. Langar bara að þakka ykkur öllum fyrir stuðning, æðislegt að vita að þið yfirgefið mig ekki. Já og Kristrún knús frá mér til þín og vonandi verður endirin hjá þér jafn farsæll og hjá mér ;o).

Jæja ætla að fara að slappa af og kasta próf-mæðunni

2004-12-10T13:07:00.000Z

Sælar Skvísur!!

Jæja nú er ég á fullu í prófalestri, aðeins tvö próf eftir af 6 en erfiðista prófið er á mánudaginn og ég er svona nett stressuð! Einnig gekk mér alveg hræðilega í Búvélafræðiprófi núna á fimtudaginn og á eftir að sjá hvað kemur út úr því. Er með krossaða putta. Gengur ágætlega að halda vigtinni þokast meira niður en upp sem er gott. Er samt að hugsa um að fá að fara á Reykjalund einhvern tíman á næsta ári, þarf að fá betri kennslu í að halda mér. Er að horfa á vinkonu mína sem var 160 kg komna niður í 110 frá í mars eftir að hún var á Reykjalundi. Er að fara í fyrstu brúðarkjólsmátun 7 jan. hlakka rosalega til, vona samt að ég fari ekki út með móral út af spiki. Ég er komin með nett ógeð á matarmálum, skil engan vegin hvað við erum að gera með þennan óþurfnað sem bragðlaukarnir eru, vildi að það væru engvir þá myndi maður bara éta það sem væri hollt fyrir mann. Eins og rollurnar sem borða bætiefnin sín ef þeim vantar þau. En það þýðir víst lítið að vera að væla eitthvað, bara að spíta í lófanna og halda áfram gegn straumnum. Í fyrsta skipti frá því ég hætti að reykja (komin 2 og 1/2 ár) langaði mig í síkó áðan. Ekki af því að mig langaði eitthvað að reykja heldur af því að meðan ég reykti þá þurfti ég ekki að borða, bara reykti og drakk vatn. Í öllu þessu stressi þá detta varnir líkamans niður, sjúkdómurinn minn sem ég hélt í einfelndni minni að væri hættur að angra mig um aldur og æfi hefur skotið upp kollinum í haust og hef ég verið virkilega slæm núna rétt fyrir próf, er samt enn að þráast við að fara ekki á lyf vegna þess að þau hafa lítið virkað á mig í gegnum tíðina og svo eru þau svo sljófgandi að ég má ekki keyra á þeim. Þetta er flogaveiki sem ég er að tala um. Annar slæmur sjúkdómur sem ég hélt líka að aldrei meir myndi baga mig hefur skotið sér upp það er anorexían sem ég þjáðist af sem unglingur. Finn svona þarfir hjá mér til að sleppa að borða og eins og ég sagði áðan að bara reykja og drekka vatn. Ekki sniðugt, en ég kann að berjast við hann en hinn ræð ég því miður lítið við.

Í einhverju brjáluðu jólahamingjuskapi bauð ég tengdaforeldrunum að vera hjá okkur á aðfangadag. Hélt að tengdamóðir mín myndi rjúka upp til handa og fóta og í sömu hamingju og ég og taka boðinu fegins hendi, það gerði hún ekki. Reyndar var hún bara ekkert hrifin þannig að ég er ekki viss um að þau muni þekkjast boðið, er reyndar pínku fegin, þetta eru eðal fólk en þau eru ansi frábrugðin mér og því sem ég er vön þannig ......? Er reynda voða ósátt við að tengdamóðir mín bað Svein um að fara í fjós á aðfangadagskvöld, það þýðir að ég þurfi að vera ein klukkan 6 með börnum og klæða þau ein og elda matin ein og gera allt ein, fannst einhvern vegin að hann gæti talað um þetta við mig áður en hann sagði flatt út sagt já. En svona er að geta ekki klipt á naflastreinginn og þurfa að gera allt fyrir múttu (meira að segja að búa hjá henni eftir að maður er komin með konu og börn?!)

Er rosalega sveiflukend þessa dagana, er samt að berjast við að halda mér réttu meginn við strikið, eins og maðurinn sagði. Samt get ekki leynt því að það eru að læðast að manni hugsanir sem öllu jöfnu maður blæs á í góðu jafnvægi, en núna er erfiðara að ráða við þær. Maður getur víst ekki verið í eilífðri hamingju og búist við að lífið gangi án þess að maður finni fyrir því. Það getur nefnilega veitt manni mikla hamingju en ef maður fær ekki smá súrt með þessu sæta, þá vissi maður aldrei hversu gott þetta sæta væri ;)

Jæja ætla ekki að hafa þetta mikið lengra í bili. Bið að heilsa ykkur krúttur ;)

2004-11-25T17:24:00.000Z

Sjaldséðnir Hvítir

Hæ hæ (þ.e. ef einhver nennir að koma inn á þessa síðu lengur ) Bara láta vita að ég er lifandi!!! Samt varla. Er að ganga rosalega vel í skólanum en er að fara með heilsuna á þessu öllu! Ég er nefnilega með álagskjúkdóm og hann er að gera mér lífið leitt þessa dagana, sennilega vegna þess að það styttist óðum í próf. Gengur svo sem ekkert of vel í átakinu, enda er ég ekki lengur í átaki er bara að passa að þyngjast ekki. Læknirinn minn sagði að ég mætti ekki ofbjóða líkamanum mínum á þessum tímapunkti og er því bara á viðhaldsfæði sem gengur rosavel hef ekki þyngst um gramm en er svo sem ekkert að léttast agalega heldur :o( En ég hugsa bara sem svo að ég er núna að sinna náminu og meðan ég er ekki að þyngjast og ofbjóða líkamanum þá verður bara megrunin að bíða. En mér finnst svo frábært að sjá ykkur allar, og lesa um hvað þið eruð að standa ykkur vel, þið eruð nú meiri hetjurnar!! Jæja ætla ekki að hafa þetta lengra að sinni. Sé ykkur vonandi fljótlega ;o)

2004-09-26T18:29:00.000Z

Jæja jæja

Fyrirgefið elsku stelpur hvað það hefur liðið langur tími frá síðasta pósti. Alltaf sami hraðinn á skólanum hjá mér, en ég er að verða skipulagðari sjálf og því er þetta farið að renna betur hjá mér. Ég hef nú ekki verið að standa mig neitt vel, en nú verður gerð breyting þar á ég og maðurinn minn undirrituðum samning okkar á milli sem hljóðaði upp á átak af okkar beggja hálfu. Hann ætlar að þyngja sig um 5 kg og ég ætla að létta mig um 8 kg og á þetta að nást fyrir jól. Ef þetta tekst hjá okkur þá ætlum við að verðlauna okkur með dekri í bláalóninu. Við ætlum að fara í þetta saman og styðja hvort annað, það er nefnilega ekkert ólíkt að þyngja sig og létta, bæði krefst breyts mataræðis og aga og líkamsæfinga. Við ætlum að gera vikuáætlun og setja þar inn allt mataræði og svo þær æfingar og þann tíma sem við ætlum okkur að gera æfingarnar á. Ég ætla að halda mig við hjólið og hjóla á því 3 í viku í 20 mín. í senn. Hann ætlar að lyfta en hefur ekki ákveðið tíman fyrir það. Bæði getum við stundað heima með börnunum þannig að við erum ekki að vanrækja þau. Þetta er verðugt verkefni og gaman að sjá hvernig þetta fyrirkomulag reynist okkur hjónaleysum. Svo er bara að setja allt í botn og skrúfa góða skapið upp og þá gengur þetta svo vel fyrir sig.
En jæja ætla að láta þetta gott heita í bili, en ætla að reyna í framtíðinni að pósta alla vega einu sinni í viku en samt helst oftar c",)
Bless í bili

2004-09-12T15:41:00.000Z

O MY GOD

Get ekki sagt annað. Ég vissi sko ekkert hvað ég var að fara út í með þessu námi mínu, en guð minn góður, þvílíkt vinnuálag. Ég er aldrei búin fyrr en klukan 4 í skólanum og einn dag er ég búin klukkan hálf sex!!! Það er þvílík keyrsla á náminu að maður þarf sko að vera vel undirbúin ef maður á að ná að fylgja kennaranum eftir í tímum, og heimavinnan, júff. En, en þetta er ólýsanlega skemmtilegt. Því miður hef ég bara ekki tíma fyrir allt og einhvern veginn verður það nú alltaf þannig hjá manni að þegar maður hefur mikið að gera þá mætir líkamsræktin alltaf afgangi. Ég hef nú ekkert verið að standa mig neitt voðalega vel, borðað jafnvel nammi og annað sem manneskja í mínum holdum ætti ekki einu sinni að lýta á hvað þá að setja ofan í sig, en ég hreyfi mig mikið meira en ég er vön því ég labba svo mikið í skólanum því kenslan fer fram í mismunandi húsum út um alla Hvanneyrina. En ég er sko eingan veginn búin að gefast upp og hef nú einn einu sinni sagt vambarpúkanum stríð á hendur og nú verður allt sett í botn. Veit nú reyndar ekki hversu mikið af þeirri baráttu lendir hér á þessari síðu vegn gífurlegs tímaskorts. En vonandi hef ég nú vit á því mín vegna að skrifa og skrá hvað ég set ofan í mig þó svo það verði ekki hér bara krassa það einhvern staðar á blað hjá mér.
En sem sagt þá vitið þið það, ég er ekki dauð og kannski ekki heldur mikið léttari en ég berst áfram sem aldrei fyrr og ég vona að þið bara umberið mig þó svo að það verði kannski æði strjálar færslunar hérna inni. Segi þetta svo gott í bili

2004-09-04T17:22:00.000Z

Ógeðslega mikið að gera, ógeðslega mikið sukk.

Nei kannski ekki alveg rétt að það hafi verið mikið sukk. En það er búið að vera ógeðslega mikið að gera, og ég sé það alveg af hverju fólk fitnar meðan það er í skóla. Ekki fitnar það á skóla tíma en þegar heim kemur lúið og heilinn yfirbrunninn af fróðleik þá verður maður sko svangur. Ég hef nú ekkert verið að svindla en í gærkvöldi þá pantaði ég pizzu fyrir karlinn og krakkana og ég gat nú ekki staðist það og át á mig gat og er að borga fyrir það núna með því að vera illt í maganum. Dreymti svo í alla nótt að ég væri að stíga á vigt og ég vóg 200 kg. Ég ákvað að vera í mötuneytinu og þá tvo daga sem ég hef borðað þar var boðið upp á mikið grænmeti svo þetta verður vonandi allt í lagi. En matardagskráin verður ekki talin upp fyrr en á morgun. Bara svona að láta ykkur vita að ég er á lífi og vigtin er á niður leið :Þ

2004-09-01T17:20:00.000Z

Vóv

Byrjaði í skólanum í dag. Úff það var sko labbað, það er svo langt á milli kensluhúsa þarna á Hvanneyri að ég labbaði örugglega svona 6, 7 kílómetra. Annars eru allir í mötuneytinu sem eru þarna og ég sú eina sem er ekki í hádeigismat, skar mig heldur betur út með nestisboxið og gat því auðvita lítið borðað. Veit ekki alveg hvernig ég á að snúa mér í þessu, kannski fer ég bara heim í mat, eða kaupi bara hádeigismat. Reyndar virtist grænmeti ekki vera ofarlega á matseðli hjá þessum blessuðu konum sem elduðu þarna. Jæja alla vega hér er matardagskráin í gær.

30 g ristað brauð 25 g ostur, 15 g olivio, vatn og vitamín.
300 g grænmeti, 80 g fiskur í rjómasósu, ristað brauð 30 g, 15 g olivio, vatn.
30 g brauðsenið, 15 g olivio, kaffi með mjólk og 15 g sykurlaus sulta.
1 Banani
300 g grænmeti, 170 g nautahakk, vatn.

Jæja verð að fara að læra, sé ykkur síðar c",)

2004-08-31T11:29:00.000Z

Áfram, áfram vaskir menn

Já og konur líka... en það er nú ekki það sem ég vildi sagt hafa. Allt gengur sinn vana gang, féll örlítið í freisni í gær. Var með kartöflumús með matnum og fékk mér smá. Má reyndar borða hundrað grömm af kartöflum á dag en þá verð ég að sleppa síðdeigisbrauðsneiðinni minni og er ekki alveg til í það. Vigtaði mig í morgun, reyndar kökkuð af bjúg, hef örugglega ekki verið nógu dugleg í AB mjólkinni í gær og sýndi viktorían mín 87 slétt, sem sagt 1,8 kg farið þessa vikuna, var reyndar að vona að ég næði tveim en kommon maður á ekki að léttast svona hratt. Er að hugsa um að vigta mig vikulega og geyma vigtina inn í skáp á milli, þá sér maður líka meiri árangur. En nóg um það svona var matseðillinn hjá mér í gær.

30 g ristuð brauðsneið, 2 dl létt AB mjólk, 15 g olivio, 15 g sykurlaus sulta 30 g muslí, vatn og vítamín.
300 g pönnu steikt grænmeti, 120 g nautahakk, 30 g ristuðbrauðsneið, vatn.
30 g brauð, 15 g olivio, 15 sykurlaus sulta, 2 kaffibollar með mjólk.
140 g grísa gúllas, 300 g grænmeti (bæði ferskt og á pönnu) 2 matskeiðar kartöflumús, súrsæt Unckel Bens sósa og vatn.

Jæja alveg ágætur dagur bara, fyrir kannski utan kartöflumúsina, en jæja þýðir lítið að gráta það eftir á. Verð að segja ykkur soldið skemmtilegt, á inní skáp gamlar gallabuxur af mér síðan af "fitu tímabilinu" eftir fyrsta barnið mitt. Þær eru númer 36 og ég hef ekki komist í þær í 2 ár, ég prófaði þær að ganni áðan og viti menn ég kom mér í þær og með því að leggjast á bakið gat ég hnept þeim!!! Ég meina keppurinn sem var fyrir ofan streng var hrykalega stór en ég kom þeim þó upp! Þetta var mikill sigur fyrir mig og hvetur mig ótrúlega mikið áfram. Vona bara að þær verði passlegar fljótlega og kannski einn daginn verða þær eins og þær voru á mér á tímabili þ.e. ég þurfti ekki að hneppa frá til að fara í þær og úr þeim. c',)

2004-08-30T10:48:00.000Z

Allt við það sama

Jæja jæja, allt er við það sama hjá mér. Borða rétt og lýður vel, er reyndar soldið óþolinmóð vildi óska að þetta myndi ganga bara einn, tveir og sjö, en það er víst ekki þannig. Skólinn nálgast og ég er enn að gera það upp við mig hvort ég eigi að vera í mötuneytinu í hádeigismat eða hvort ég eigi að taka með mér minn eigin mat. Kannski er það bara best, ég er nú svo feimin og spéhrædd að ég sé mig ekki fyrir mér með vigtina á lofti inn í matsal að vigta hádeigismatinn. Búin að komast að því að ég þekki engan í þessum skóla fyrir utan einn strák sem ég kannast við hér ofan úr sveitum. Það finnst mér betra, að einginn þekkir mig meina ég, því mér finnst alltaf betra að labba inn í hóp og láta hvern og einn dæma fyrir sig hvernig þeim hinum sama finnst ég, í staðin fyrir að vera með eitthvað gamalt sem ég gerði kannski fyrir hundrað árum sem mér dytti ekki hug að gera í dag (ég var nefnilega soldið tryppi þegar ég var unglingur). Þess vegna fannst mér svo mikið æði að hitta ykkur því ég á ekki marga vini sem þekkja mig í dag, eftir að ég fór að eiga börn og svona, flestir þekkja mig úr skóla eða frá vertíðatímabilinu mínu og ég get með sanni sagt að það eru tvær mismunandi manneskjur, ég þá og ég nú. En nóg um það, svona var gærdagurinn.

30 g ristaðbrauð, 15 g olivio, 25 g ostur, vatn og vítamín
300 g grænmeti, 110 g bjúga, vatn
30 g ristað brauð með 15 g olivio og 15 g af sykurlausi sultu. Kaffi með mjólk
300 g grænmeti, 170 g svínakjöt í sósu, vatn
4 dl létt AB mjólk með örlítið af musli og einnum banana.

Jæja svona var gær dagurinn bara alveg fínn, fyrir kannski utan þetta smá muslí í gærkvöldi. Bakaði lummur í gær af því að við vorum með mann í vinnu, og O M G var mín freistað úff ég átti bágt með mig stalst til að smakka hálfan bita, en svo var ég heppin að fá vinkonu mína í heimsókn með litlu systur sinni og þær kláruðu lummurnar fyrir mig hjúkk. Jæja þetta er komið ágætt í bili. Við sjáumst síðar c",)

2004-08-29T12:16:00.000Z

Enn þá fækka kílóunum

Já haldiði bara ekki að kílónum sé enn að fækka hjá mér. Steig á viktoríuna mína í morgun og hún sagði 87 slétt þannig að nú eru farin 1,8 kg síðan á þriðjudag, nokkuð gott sko. Ég er að fíla mig úber mjóa og glápi á mig í speiglinum daginn út og daginn inn. Fór til Reykjavíkur í gær til að kaupa skóladót því nú fer skólinn bara alveg að byrja hjá mér. Fékk mér svo að borða hjá honum Yngvari hennar Bryndísar ummm og maturinn var alveg jafn góður og mig minnti, reyndar "sukkaði" smá þar því ég fékk mér tvær brauðsneiðar í stað einnar, kenni Bryndísi alfarið um fyrir að bjóða upp á svona hrikalega gott brauð :þ En svona var nú dagurinn í gær hjá mér.

30 g muslí, 30 g brauð, 15 g olivio, 2 dl létt AB mjólk, vatn og vítamín.
Salat á salatbarnum, nokkrar kjötbollur, 2 brauðsneiðar, smá salatdressing og vatn
30 g af heilhveitskonsu, 15 g olivio, kaffi með mjólk
150 g lambasteik, 300g grænmeti, villibráðasósa með sveppum og vatn.
jurtate með fáeinum dropum af sætuefni (af því að ég var að drepast úr nammi þörf)

Bara flott sko. Er rosalega ánægð hvað þetta gengur vel hjá mér. Ég er ekki viss um að ég gæti þetta nema ef væri ekki fyrir ykkur dúllurnar mínar. Er alvarlega að spá í að skipuleggja annan hitting. Var sko að spá ég á nefnilega afmæli 9 okt. að bjóða ykkur þá í heimsókn hingað í sveitina til mín. Hvernig lýst ykkur á það? En jæja verð víst að fara koma steikinni á borð fyrir karlanna mína, sjáumst síðar.

2004-08-27T10:59:00.000Z

Lax, lax, lax og aftur lax.

Skellti mér í laxveiði í gær eins og fín frú. Foreldrar mínir og já reyndar tengdaforeldrar líka eiga land að Norðurá og Gljúfurá hér í Borgarfirði. Mamma er veiðivarða (kvk orð af vörður) í Gljúfurá og dagurinn í gær var laus þannig að við skelltum okkur, ég, mamma, Sveinn og börnin. Við veiddum reyndar ekkert þó við væru að í 4 tíma, en mikið ógeðslega var þetta gaman, ég get alveg séð af hverju fólk er með svona veiðidellu. Síðan reyndar eftir að við komum heim þá fórum við að vitja um netin okkar, voru voða ísí á því því það veiðist sjaldan á dagsflóði, en viti menn það voru 3 fiskar í öðru netinu helv. gott. Svo voru 7 í morgun þannig að allt í allt erum við búin að veiða 14 silunga sem er af þessari vertíð. Jæja nóg um það, svona var matardagskráin í gær hjá mér.

30 g ristaðbrauð með 15 g af olivio og papriku, 1 1/4 dl appelsínusafi, vatn og vítamín
120 g fiskur, 300 g pönnusteikt grænmeti, 30 g brauð með 15 g af olivio, vatn
30 g ristuð brauðsneið með 15 g L&L og gúrku og tómötum, kaffi með mjólk
300 g pönnusteikt grænmeti, 120 skinka, 2 tsk létt hamborgara sósa, vatn

Svona var nú gærdagurinn. Ég er eginlega búin að komast að því að ef ég borða létt AB mjólkina eins og ég á nú víst að gera þá hef ég minni bjúg daginn eftir. Furðulegt. En jæja má ekkert vera að þessu, sé ykkur seinna og takk fyrir allt peppið. :o)

2004-08-26T11:34:00.000Z

JÍBBÝ

Lofaði sjálfri mér að ég skildi ekki ver að stíga á vigtina en bara varð í morgun og viti menn, þegar ég byrjaði í þessu extra átaki þá hljóðaði kílóatalan upp á 88,8 en er núna 87,4 aðeins 4 dögum seinna!! Veit að þetta getur verið dagsformið og bla bla en ég ætla samt að njóta sigursins í smá stund :o) Annars hljóðaði gærdagurinn svona ahhhhhhh nei djók, er í fimmaurabrandara stuði hehe

30g muslí, 30 g ristað brauð,1 1/4 dl appelsínusafi, 15 g olivio, 15 g ósykruð sulta, 2 dl létt AB mjólk, vatn og vítamín
300 g grænmeti og 100 g ný veiddur silungur með edik og 15 g af olivio, 30 g ristuð brauðsneið, vatn
30 g ristað brauð, 3 kaffi bollar með mjólk og 15 g olivio
160 g nautahakk, 300 g pönnusteiktgrænmeti, vatn
45 vínber.

Bara þokkalega góður dagur. Er svakalega ánægð með mig núna sko er bara að vona að ég haldi áfram að vera svona jákvæð því ég veit að þá á þetta eftir að rokganga hjá mér. Sleppti því reyndar að hjóla í morgun, fór nefnilega að vitja um silunganetin okkar og var svo hrottalega svöng þegar ég kom heim. Þannig að ég frestaði hjólaferðinni til morguns því þá ætlar karlinn að vitja um. Sé ykkur síðar, og verið nú endilega duglegar að kommenta hjá mér, það er mér svo mikil hvatning að sjá að einhver fylgist með. :þ

2004-08-25T10:31:00.000Z

Og áfram heldur velgengin

Flottur dagur hjá mér í gær, var reyndar að drepast úr nasl þörf í gærkvöldi enda fékk ég ekki mjög góðar fréttir af mömmu minni. Hún er sem sagt komin inn á spítala með eitthvert mein í höfði, vonandi að það fari allt vel, en ég sem sagt þurfti smá huggun og veitt mér hana, ég fékk mér 3 dl af AB mjólk með smá muslí út í. Allt í lagi með Ab mjólkina enda er hún á matseðlinum en kannski ekki nógu gott með muslíið..... En ég læt svona smáatriði ekkert aftra mér. Svona hljóðaði matrdagskráin í gær

30 g af ristuðu brauði með 15 g af olivio og 25 g af osti, 1 1/4 dl appelsínusafi og vatn.
120 g af nautahakki (8-12% fita) 30 g af ristaðri beyglu (með laukbragði namm) 300 g pönnusteikt grænmeti, vatn.
30 g af grófu brauði með létt smurosti 15 g 2 kaffibollar með mjólk
1 dl af létt AB mjólk og 20 g af ný tíndum bláberjum.
140 g af niðursneiddi og pönnusteiktri bæon (kann ekki að skrifa það) skinku, 300 g pönnusteikt grænmeti, kantarel sósa með sveppum og vatn.
3 dl létt AB mjólk með örlitlu muslí.

Svona var nú dagurinn í gær, alveg þokkalegur. Ég borðaði fullt af góðum mat og var aldrei svöng. Stundum þá stend ég mig að því að efast um það að ég geti lést af öllum þessum mat, en raunin er sú að ég léttist ég hef reynt það og það mun halda áfram.

Jæja skvísur læt þetta gott í dag, enda þarf ég að fara að slægja fiskinn sem komu í netin okkar í morgun, sé ykkur á morgun! Tchjá

2004-08-24T11:36:00.000Z

Það byrjar vel

Jæja það byrjar af krafti þetta extra átak mitt. Ég hjólaði á fastandi maga í morgun í 20 mínútur og hlustaði á Villa vill með, yndislegt alveg. Fór svo og borðaði morgunmat sem saman stóð af ristuðu brauði (30g) og osti (25g) og appelsínusafa (1 1/4 dl) og vatni. Í gær borðaði ég eftir farandi

30 g af ristuðubrauði, 1 1/4 appelsínusafa
120 g fisk eldaðan í ofni með hvítlauksrjómasósu, 300g bakaðir tómatar, 30g rúgbrauð og vatn
30g ristuð brauðsneið með 15g olivio og tómat, 3 kaffi bollar með mjólk
110g af svínasnidsel steiktu á pönnu, 300 g pönnusteikt grænmeti, ferskt salad, villibráðarsósa með pönnusteiktum sveppum og vatn.

Svona var nú gærdagurinn, alveg bærilegur bara. Er reyndar að gera upp við mig hvort ég eigi að fara að borða ávextina aftur (á að borða 4 á dag) og mjólkin ( á að nota 8 dl af létt AB mjólk) gæti verið gott að nota hvort um sig milli mála. Reyndar gerði ég það alltaf að laga svona boost úr AB mjólkinni og ávöxtunum og drakk það á kvöldin, þannig vandi ég mig af kvöld naslinu mínu. Jæja best að fara að elda hádeigismatinn, vona að dagurinn í dag verði jafn góður, ég er ákveðin að gera mitt besta svo svo meigi verða ;o)

2004-08-23T13:44:00.000Z

Þá skal tekið á því

Jæja stelpur nú skal brett upp ermar og tekið all hressilega á því. Ég er búin að sukka einsog ther´s no to morrow alla þessa helgi og nú ætla ég mér að vera bara hörð sko. Ég stefni á það að vera orðin 80 kg á afmælisdaginn minn sem er 9 okt. Það þýðir að ég hef 7 vikur og það þýðir að ég þarf að léttast um rúmt kíló á viku. Ansi tæpt ég veit en það sakar ekki að reyna. Og nú þegar skólinn fer alveg að byrja hjá mér þá held ég að hann eigi eftir að hjálpa mér heilmikið, ég meina ég sit ekki heima og ét ef ég er í skólanum ;) En alla vega þá ætla ég að fara svona að því að ná þessum rúmum 8 kg af mér.

Ég ætla að fylgja af nákvæmni leiðbeiningunum af kúrnum mínum, vigta allt og mæla sem ofan í mig fer og þess háttar.
Ég ætla að hjóla annan hvern dag á fastandi maga um morgun.
Láta mér lýða vel og hafa gaman af lífinu
Ekki hugsa um þá hluti sem ég er að missa af með því að borða rétt, heldur um alla þá hluti sem ég græði.
Skrifa allt niður sem ofan í mig fer.

Er þetta ekki bara nokkuð sneddý hjá mér? Ef ykkur dettur eitthvað snjallt í hug í sambandi við þetta þá endilega látið mig vita. Þannig að ef ég er ekki að standa mig í að skila ykkur matseðlinum þá bara rukka um hann :o)

2004-08-20T10:57:00.000Z

Dúllurnar mínar.

Ohh stelpur það var svo gaman í gær, ég er enn að þurka tárin eftir alla hláturkrampana. Þið voruð hreint út sagt yndislegar. Svona hittingur gefur manni sko mikið í baráttunni, því maður hugsar ósjálfrátt til ykkar þegar maður ætlar að laumast í eitthvað gott og hugsar "nei ég ætla að verða svona sæt eins og hinar stelpurnar". Annars er nú allt það sama hjá mér, nú er ég bara að fara að undirbúa mig fyrir skólann og get ekki annað sagt en ég hafi soldinn kvíðahnút í maganum, maður er nottla að koma úr geðveikt vernduðu umhverfi, búin að vera heima í 2 ár, en ég er samt ákveðin að láta þetta takast hjá mér. Ó já gleymdi að segja ykkur að ég steig á vikt(oríuna) mína í morgun og ferðalaga kílóið er farið af mér, hún sagði mér að ég væri nú 88 kg sem er ekkert slæmt svo sem en ég stefni nú lægra sko. En þá eru allt í allt farin 15,5 kg síðan 13 apríl, nú er bara að taka þetta með trompi í vetur og vera extra dugleg í mataræðinu. En jæja þetta dugir ekki maður verður að fara út að gera eitthvað, sé ykkur vonandi fljótlega, bæó.

P.s. Ég setti inn haloscan kommentakerfi, þið farið bara inn í álit og þar getið þið valið um að kommenta annað hvort með blogger (í post comment) eða með haloscan í tjáðu þig.

2004-08-16T22:14:00.000Z

LENGI ÞEGJA SUMIR, EN TALA ÞÓ AFTUR.

Þetta nýja, góða heimatilbúna spakmæli á vel við nú þegar ég hyggst hefja upp mína fitusprengduraust á nýjan leik, eftir langt og gott frí. Ég er ný skriðin úr löngu og ströngu ferðalagi sem innihélt ansi mikið sukk og svínarí, en mikið ógeðslega var gaman. Ég át og drakk og söng og hitta gamla vini og labbaði um fjöll og firnindi með karlinn í eftirdragi hehe. Þegar lýða tók á ferðalagið þá fóru nú að renna á mann tvær grímur og samviskupúkinn skaut upp kollinum og fór að naga mann að innan. Ég steig á vigtina svo í morgun full vonar og ótta og viti menn þrátt fyrir meinlætislifnað og velmegun þá var aðeins eitt lítið kíló sem slæðst hafði á minn búk og ég andaði léttara. Ég komst að því í ferðalaginu að ég þyrfti að drífa í því að ala upp börnin mín og gera þau stór svo ég geti ferðast um landið fótgangandi. Mikið ofsalega er til mikið af fallegum og yndislegum gönguleiðum, sem innihalda fegurð sem eigi sést akandi mönnum. Ég held svo áfram í baráttunni og býst ég við því að þetta muni fjúka af í vetur þar sem ég verð nú í skóla og má þá minna vera að því að fylgjast með vigtinni og minni tími til að éta (ég er ekki ein af þeim sem þarf að læra með nammi poka mér við hlið). En var ekki áætlaður hittingur 18 eða 19? Látið mig endilega vita hvenær og hvar það verður og ég mun mæta!
Lifið heilar.

2004-07-20T17:47:00.000Z

GAMAN, GAMAN

Jæja jæja görlís. Loksins gefst stund til að blogga soldið. Annað barnið farið svo nú er aðeins meiri friður. Verð að segja ykkur frá því að ég missti mig soldið um helgina sko, át soldið vel af haustkexi og eitthvað minna af grænmeti en ég átti að gera. Hafði svo sem ekki mikil áhrif á vigtina en því meiri áhrif á sálarlífið mitt. Fann það þarna hvað er auðvelt að lenda á villigötum og þakka guði fyrir að ég sá af mér og get nú enn á ný brosað og haldið fráhaldið mitt. Hef svo sem ekki vigtað mig almennilega (but naked) enda er nú ekki friður til þess. En það sem er svona gaman er að ég er loksins aftur farin að stunda hestamenskuna aftur. Varð vægast sagt skelfingulostin við hross þegar ég gekk með stelpuna mína og hef því ekki þorað umgangast þau síðan (ég var sko áður að temja og reið út á hverjum deigi) en er loksins núna farin að stunda þau aftur og það er sko gaman. Svo hef ég líka verið svakalega mikið úti með krökkunum í göngutúrum og slíkt og það hefur verið yndislegt alveg. Ég er farin að taka þann pól í hæðina að megin markmið mitt sé ekki endilega að vera mjó, heldur að lýða betur. Ég þarf ekkert að grennast einn, tveir og bingó ég er farin að átta mig á því núna, heldur er það ágætt að bara að þetta fari jafnt og þétt af mér. Annars er fólk farið að hrósa mér fyrir útlyt mitt, hitti afa minn í gær og hann spurði mig nú bara hvort ég væri alveg að hverfa, ég svaraði því til að það væri nú ekki nóg en þetta væri allt í áttina. Mér lýður líka svo miklu betur og get hlaupið og hreift mig án mikilla vankvæðna, ekki eins og þetta var hérna áður fyrr þegar ég gat vart labbað upp stigan hér heima hjá mér fyrir offitu og stirðleika. Ég veit að ég á langt í land en ég reyni að hugsa ekki um það heldur bara taka einn dag fyrir í einu, stundum jafnvel eina mínútu í einu þegar fíknin er að drepa mig. Reiknaði það út að ég þyrfti ekki að léttast meir en um 50 grömm á dag, því það safnast þegar saman kemur og 50 grömm á dag eru 18.200 kg á ári það er nú ekki lítið. Jæja en það dugir ekki að blaðra hér út í eitt, hlakka mikið til að hitta ykkur í ágúst verð komin heim úr ferðalagi, sjáumst síðar.

2004-07-12T12:10:00.000Z

Má sko ekkert vera að þessu..

Má sko ekkert vera að þessu núna. Brjálað að gera að hugsa um fjögur börn, þar af tvo ofvirka og eina 8 mánaða og einn 4 ára sem er bara "venjuleg" frekja hehe. Á núna að vera að elda hádeigismatinn en er að stelast til að blogga smá. Það gengur allt bara bærilega, var reyndar í brúðkaupi um helgina og borðaði þar dýrindis steik og grænmeti, en ég sleppti brúðartertunni á eftir. Svo stalst ég í smá súkkulaði í gær, en ekkert svona meidjör sko. Hef ekkert verið að vigta mig enda gefst engin tími til að striplast hér á morgnanna svo þið verðið bara að bíða spenntar eftir nýjum tölum þegar börnin fara en það verður ekki fyrr en eftir verslunarmannahelgi. Jæja allir komnir inn og verð að fara að gefa þeim að borða eitthvað. Skjáumst síðar.

2004-07-07T10:18:00.000Z

Yessss

Ég var sko 89.0 á vigtinni, vinkonu minni, í morgun. Reyndar hef ég verið soldið lystarlaus því nýtt barn kom í gær, og þá er ég eginlega bara ómöguleg þangað til það er komið inn í rútínuna hérna hjá okkur. Annars var ég líka búin að dreyna hvern dropa af vatni úr líkamanum á mér á sunnudagskvöldið því við hjónin fórum á tónleika Metallica í Egilshöll. Var bara feikna gaman að sjá gömlu goðin sín spila life, en hitinn púff, það leið nærri því yfir okkur Svein og þurftum við því nokkrum sinnum að fara út og jafna okkur, en mikið helvíti var gaman að fá að vera hluti af þessu og syngja sig hásann við Enter Sandman og nothing aels metters og Sanaterium. Lilja veit að maðurinn þinn er grænn af öfund núna, eða var hann kannski meiri Guns'a Roses fan? Jæja alla vega þurfti að bæta upp vökva skortin í gær og fyrra dag og þambaði eins mikið og ég gat, eða eins og maginn þoldi fyrir ógleði. En ég er öll að koma til núna og því fyrst núna í morgun sem ég þorði að stíga á vigtina til að fá raunhæfa tölu. En ég vona að ykkur hinum gangi líka vel, sjáumst síðar.

P.s. mældi mig líka um daginn og allt í allt eru farnir 88 cm, pæliðið í því, það er næstum metri af spiki sem er farið!!!

2004-07-03T10:56:00.000Z

Það mjakast

Jæja jæja nýr tugur sást á vigtinni í morgun. 89.9 bara gaman að því. Annars er nú lítið að frétta stend mig bara þokkalega að ég held, þamba mitt vatn og græna te og borða minn fráhaldsmat. Ég sá Dagnýu í gær (í Dagbók Dagnýar) og vá hún hefur sko grennst, ég hef þekkt hana frá því við vorum unglingar og held bara að ég hafi aldrei séð hana lýta svona vel út. Merkilegt hvað maður getur breyst bara með því að borða eins og maður, og hætta að nota matinn sem fíkniefni.

2004-07-01T16:56:00.000Z

Júhú

Yesss var 90,2 í morgun þannig að allt í allt eru farin 13,3 kg síðan 13 apríl, bara nokkuð sátt við það sko. Fékk mér grænt te með sólberjum í apótekinu í gær og hef reynt að halda mig við það enda finnst mér það gott og það er hollara en kaffið. Er reyndar að drepast úr túrverkjum og því bólgin og þrútin en það fylgir bara því að vera kona. Er farin að hlakka til að sjá nían tug á vigtinni og er ég alveg sammála Lilju með það að það er alltaf skemmtilegara að sjá 89,9 en 90 þó svo að það muni nánast engu, svona er maður nú vitlaus hehe. En hafið það gott stelpur sjáumst síðar.

2004-06-30T11:45:00.000Z

Ekki druknuð í mjólkurkexi

Hæ görlís, neibb ég er sko ekki að éta mjólkurkex, bara búið að vera brjálað að gera hjá mér. Búin að standa mig bara þokkalega, en virðist samt ekki ná vigtinni neðar en 90,8 en ég bjóst svo sem við því að ég þyrfti á einhverjum tímapunkti standa í stað. Reyndar var ég að byrja á blæðingum svo ég er útblásinn og uppþembd og full af vökva. Er að fá næsta holl af börnum á morgun þannig að þá má alveg búast við færri póstum, þau verða í 4-5 vikur og svo er ég komin í sumarfrí júhú. En ég er sem sagt bara að standa mig fullkomlega, þamba vatn og allt í gúddí. :)

2004-06-25T15:08:00.000Z

Hummm

Ég hefði átt að monta mig meira á því í gær hvað gengi vel. Ég fékk nefnilega þvílíkt átkast í gærkvöldi og þakkaði mínu sæla að ekkert var til ætilegt í kotinu fyrir utan 4 mjólkurkex sem rötuðu í minn maga. Ekki mjög hress með það, aðalega fúl yfir því hvað ég fylgi fíkninni í stað þess að reyna að hlusta ekki á hana eða fá mér vatnssopa eða eitthvað slíkt. En jæja hafði ekki mikið svo sem að segja var enn þá 91 slétt á vigtinni. Var að hugsa mér að setja ný markmið og reyna að stefna á að vera komin niður í 85kg á afmælisdaginn minn 9.okt, þá væri ég búin að missa 18,5 kg allt í allt, held að þetta séu nokkuð raunhæf markmið. Þarf reyndar að vera vel meðvituð í allt sumar því þetta krefst þess að ég þurfi að losna við um 400 grömm á viku. Alla vega byrja á þessu og ef vel gengur þá kannski endurskoða ég hlutina.

2004-06-24T11:19:00.000Z

Jæja

Jæja, jæja. Allt gengur sinn vanagang og ég tek lítil skref í át að bata frá átfíkninni minni. Hefur reyndar verið soldið erfitt núna því ég hef verið í afvötnun og einhvern veginn þá leyfi ég mér að hafa þetta erfitt, ef þið skiljið hvað ég er að meina? Kíkti á vinkonu mína vigtina í morgun hún var í ágætu skapi og sagði að stóri rassinn minn og allt hitt með vægi 91 kg slétt, alveg þokkalega ánægð með það vona bara að ég haldi áfram að þokast niður. Var að horfa á video í gær af mér síðan 2000 ohh ég var svo mjó að það var ekki einu sinni fyndið, þá hef ég verið svona 65-67 kg og mér fanst ég þá vera einsog hvalur. Man meira að segja þegar þessar myndir voru teknar þá var í skyrtu sem var soldið of stór á mig og mér fannst ég svo feit og asnaleg að ég vildi ekki láta taka af mér myndir. Í dag er ekki séns að ég komi þessari skyrtu utan um mig ábyggilega kem ég henni ekki einu sinni upp handleggina á mér, samt er ég eginlega ánægðari núna en þá. Veit líka núna að þetta er á niður leið og það kemur ALDREI aftur það sem er farið. Enda er ég ekki núna beint í megrun heldur bara að læra að fara með mat eins og heilbrigt fólk gerir, þyngdartapið er bara plús. Verð að segja ykkur frá því sem ég uppgvötaði í gær og þess vegna er ég að edita póstin smá. Sko ég hef verið svo veik fyrir því að borða á kvöldin en í gær fann ég alveg æðislega dægrastyttingu. Ég er byrjuð að vinna ullina af kindunum mínum og sat og kembdi í gær að gömlum sið og áður en ég vissi af þá var bara klukkan að nálgast miðnættið og tími komin í ból, þetta fannst mér alveg frábært og ég hafði ekki einu sinni staðið upp til að kíkja í ísskápinn (eins og ég geri oft, en stenst nú yfirleitt freistinguna) þannig í kvöld ætla ég að byrja að spinna og það verður nú ekki leiðinlegra. Jæja komið nóg af rausi heyrumst síðar.

2004-06-22T17:46:00.000Z

Gengur vel

Já það gengur bara ljómandi vel núna hjá mér. Fór tvisvar út að labba í gær fyrst með barnavagninn og svo bara ég ein í gærkvöldi. Reyni að haldi mig sem mest í vatninu og þamba það eins og ég get. Er svo búin að fara í göngutúr í dag með barnavagninn og kannski fer ég líka ein í kvöld. Svo rúði ég eina rollu áðan (alltaf bara ein og ein hjá mér hehe) og það tók vel í. Er reyndar ansi löt við að vera inni og hanga í tölvunni enda svo hrikalega gott veður og þá á maður bara að vera úti. Annars stalst ég á vigtina í morgun og hún var mér bara hliðholl 91.4 sem er bara ágætt var reyndar með svoldin bjúg en þá verður hún bara minni næst talan. Þá eru 12.1 kg farið síðan 13 apríl er alveg bara þokkalega ánægð en maður vildi alltaf að það væri meira :þ Þá fer ég að nálgast markmiðið mitt en það var að missa 13 kg fyrir afmælið mitt sem er 9 okt. Kannski set ég mér bara ný markmið fyrir þann tíma sé til. Gangi ykkur áfram vel skvísur.

2004-06-21T11:05:00.000Z

sususu

Jæja jæja þar fór þessi helgi. Systir mín var að koma heim frá Svíþjóð og kom með nammi. Ég hef aldrei átt í neinum vandræðum með að sleppa namminu en í gær tók eitthvað völdin inn í mér og ég bókstaflega raðaði í mig namminu. Mér leið mjög illa bæði meðan ég var að því og eins eftir á, ekki beint samviskubit heldur kannski meira hræðsla við að verða aftur eins og ég var áður en ég breytti um lífstíl. Auðvita lýður mér svo illa í öllum liðum núna eftir þetta sukk og svo er ég kökkuð af bjúg. Ég ætla ekkert að gefast upp því fer fjarri en ég veit að þessi vika verður erfið og fer öll trúlega í afeitrun frá kolvetnunum. Börnin eru farin en ég ætla samt ekki að stíga á vigtina strax, nú verður þetta tekið með trompi og hreyfing sett í fyrirrúm. Gangi ykkur vel skvísur.

2004-06-20T15:47:00.000Z

Blogger tripp

Já bloggerinn virtist vera á trippi í gær, alla vega þurfti ég að stroka út margar færslur sem mér tókst ekki að pósta í gær en komu allar inn í morgun. En jæja komin á fullt aftur byrjaði daginn bara fínt, vaknaði klukkan rúmlega níu í morgun því við hjónin vorum búin að áætla að skella okkur ásamt vina hjónum í smá kæjaka ferð. Maðurinn minn er mikill kæjaka maður og hef ég verið svona að smitast smá saman af þeirri bakteríu. Þannig ég byrjaði daginn á hörkupúli. Reyndar var nú ekki mikið um söluskála þarna útí guðsgrænni náttúrunni þannig að við höfðum með okkur nesti, ég var með samlokur með kjúklingaskinku og grænmeti og borðaði tvær svoleiðis, kannski ekki alveg eftir matseðlinum en allt í lagi. Svo er ég að hugsa um að skella mér í göngutúr núna á eftir og labba svona sirka 4 km. Þarf að fara hér niður í sandhól svo kallað en þar erum við að heyja núna og ég ætla að skreppa þangað röltandi á eftir. Vona að það gangi jafn vel hjá ykkur hinum og já ég steig á vigtina hún tjáði mér að ég væri 91,9 kg ágætlega sátt við það meðað við svindl síðustu daga.

2004-06-19T18:38:00.000Z

Loksins

Jæja þá er ég loksins laus til að rita eitthvað. Er reyndar stödd í heimsókn hjá mams og pabs en fæ afnot af tölvunni þeirra. Búið að vera soldið svindl bæði í gærkvöldi og í dag. Kom upp erfitt vandamál í fjölskyldunni og þá leitaði ég að gömlu vana í hugguna mína, sem sagt mat. Var svo sem ekkert rosalegt en við grilluðum og ég var ekkert að athuga hvað fór ofan í mig, ekkert óhollt svo sem en bara ekkert vigtað og mælt einsog vanalega. Svo eftir kvöldmatinn eða um tveim tímum seinna borðaði ég tvær pulsur :( ekki alveg nógu gott. Svo fórum við famelían í sund í dag og þá fékk ég mér einn barna ís í brauði. Soldið fyndið það, mig langaði ekki einu sinni í ís var eiginlega bara meira þyrst og langaði í vatn eða kristal eða soleiðis en fékk mér samt, skrítið. En það þýðir ekkert að gefast upp, enda langar mig ekki til að hætta þessum lífstíl mínum og fara í gamla farið þar sem maður gat ekki borðað neitt án samviskubits. Þetta er eginlega ekki lengur spurnig um að vera mjó því ég er þokkalega sátt við mig, heldur er það meira spurning um það að borða hollt og vera hraustur og meðvitaður um það sem ofaní mann fer. Ekki vera að bjóða líkamanum sínum eitthvað rusl heldur hollt fæði. Maður á jú bara einn líkama og ekki er í boði að skipta ef þessi bilar. Hafiði það gott elskurnar mínar og heyrumst fljótlega aftur.

2004-06-14T14:32:00.000Z

Svo sem ekki margt...

Jæja hef svo sem ekki margt að segja ykkur. Hef ekkert stigið á vigtina og reyni bara sem mest að halda mataræðinu í lagi, og það hefur alveg tekist. Búin að fá sumarbörnin mín til mín þannig að núna næstu tvær vikurnar verður kannski færslunar eitthvað færri. Kemur í staðin að ég hreyfi mig mun meira því ég er mikið úti með börnunum sem er auðvita hið besta mál. Annars eru þið allar að standa ykkur svo hrikalega vel að maður hefur bara aldrei séð annað eins, við rokkum feitt en bráðum rokkum við mjótt!

2004-06-12T00:18:00.000Z

Gat ekki staðist mátið

Gat náttúrulega ekki staðist mátið og fór á vigtina, fannst ég vera eitthvað minna þembd og svona svo steig á vigtina í morgun. Mér til mikillar ánægju þá var ég 92.2 og því rúm 11 kg farin. En ég held mig við cm metramælinguna og ætla ekkert að mæla þá fyrr en um mánaðamót. Prófaði frosnu vínberin hennar Bryndísar og ég þarf sko að passa mig á þeim. Það er sko alveg rétt hjá Bryndísi að maður verðu svo hrikalega húkkt á þeim. Borðaði samt ekkert meira en ég mátti. En þau voru rosalega góð jamm jamm. Búið að vera svakalega mikið að gera hjá mér í dag og því klukkan farin að ganga eitt núna er ég rita þetta. Er búin að vera dunda við að gera allt klárt fyrir sumarbörnin mín og nú er það loksins búið enda eru þau væntanleg á sunnudaginn. Ætla sko í höfuðstaðinn á morgun og fjárfesta í uppþvottavél því vegna snögglegar fjölgunar í fjölskyldunni mun uppvaskið aukast um helming, og ég nenni sko ekki að eyða sumrinu í að vaska upp það er á hreinu. Vil frekar vera úti með börnunum að leika, er soddan krakki sjálf hehe. Jæja dugir ekki þarf að fara að koma mér í ból, góða nótt dúllurnar mínar og haldið áfram að vera svona duglegar ;)

2004-06-10T18:49:00.000Z

Jaahú og pirr

Hæ allar sætu átaksskvísur. Jæja bara búið að vera fínt í dag, ég er svo hamingjusöm enda á ég falleg börn, góðan karl og æðislegan bloggstuðningshóp :oþ. Búin að taka þá ákvörðun í sumar að vigta mig bara tvisvar í mánuði kannski jafnvel bara einu sinni, eins og ég sagði um daginn þá ætla ég að reyna að koma fleiru að í lífi mínu heldur en bara átakinu, verður bara að viðurkennast að það hefur tekið meginn þorra lífs míns síðastliðinn 1 og 1/2 mánuð. Kannski allt gott með það en nú er ég komin í góða rútínu og þá ætti ég ekki að þurfa svona strangt aðhald eins og að vigta sig og mæla einu sinni í viku.

Brjálæðislega gott veður búið að vera síðustu daga og á víst að vera líka á morgun. Ég ætlaði að vera rýja skjáturnar mínar í dag og taka vel á því en þá var kona búin að boða sig í heimsókn hér þannig að allt fór úr skorðum. Svo varð stelpan veik þannig að ég þurfti að fara með hana til læknis á milli húsverka út af heimsókninni. Konan afboðaði sig svo klukkutíma fyrir áætlaðan komutíma. Pirrr og ég búin að eyðileggja góðaveðrið með því að vera inni. Jæja en það kemur víst dagur eftir þennan dag, ætla sko að skikka karlinn til að vera inni á morgun með stelpuna svo ég komist nú út til skjátanna minna sem eru að drepast úr hita í þykku ullinni sinni. Jæja ætli ég láti þetta ekki gott heita að sinni best að huga að litla flensukjúklinginum mínum :)

2004-06-09T18:53:00.000Z

Jæja jæja

Jæja það rættist heldur betur úr deginum hjá mér. Ég hef verið dugleg í vatninu í dag og passað mig vel og vandlega. Búin að fara í gönguferð og tók sko vel á því þó svo ég væri með barnavagninn með mér. Svo rúði ég eina rollu og það tók sko á púff, held bara að ég hafi svitnað þá öllu vatninu sem ég var búin að drekka. Þannig ég er nokkuð bjartsýnari en ég var í morgun. Var samt að spá þetta með cm mælingarnar hjá mér að hafa þær með tveggja vikna milli bili frekar en viku millibili, þá verð ég líka ánægðari með árangurinn. Annars er alltaf að bætast í hópinn og við orðnar hel. margar en eins og góður maður sagði einhvern tíman more the marrier. Svo velkomnar allar.

2004-06-09T11:50:00.000Z

Hummm

Jæja gengur ekki nógu vel hjá mér núna. Ég er svo sem ekkert að svindla eða neitt heldur virðist allur vökvi safnast á mig og ég er uppþembd og blásin, trúlega er ég bara með egglos eða eitthvað. Reyni að drekka mikið af vatni og svo ætla ég aðeins út að hreyfa mig á eftir. Lítið verið um almennilega hreyfingu upp á síðkastið vegna anna, er líka farin að sakna kindanna minna þarf að fara að knúsa þær soldið. Þær þrufa orðið enga umönnun því þær eru allar komnar út á tún og eru þar bara í vellystingum (vildi að ég væri rolla). Svindlaði smá í gær, fór heim til mömmu og pabba að ná í kojur fyrir sumarbörnin mín og þá stóðu auðvita þessar glæsilegu kransakökur á borðinu og ég gat ekki annað að látið falla í freisni. Þetta er með því besta sem ég veit það eru kransakökur og ég fékk mér eginlega bara fullt. :( Ekki alveg nógu gott það. Hef ákveðið að hætta sm mælingum alla vega svona ört. Langar að fara kúppla mig soldið frá þessu megrunadóti öllu, ekki það að ég ætla að hætta í megrun, heldur að hætta að vera svona mikið með þetta á heilanum. Vigta mig sjaldnar og mæla mig sjaldnar og þá verður líka gleðin meiri yfir foknum grömmum og cm.

2004-06-07T12:20:00.000Z

Áfram það mjakast

Jæja ég virðist halda áfram að þokast niður á við þó svo ég hafi verið í fermingarveislu í gær og borðað á mig gat. Ég var 92,7 á vigtinni í morgun, en ég er hrædd um að það hafi ekki eins margir sentimetrar farið. Er alveg farin að sjá það þegar ég missi fleiri kíló þá missi ég færri cm og þegar ég missi fleiri cm þá missi ég færri kíló. Af hverju skildi það vera? Annars hef ég ekki verið dugleg að borða lifur og þarf að fara að taka það upp aftur svo skinnið minki nú með. Reyndar finnst mér lifur alveg einstaklega vond en ég fékk um daginn uppskrift af lifararbollum sem eiga að vera skárri. Annars var ég voða monntin í gær því fólk var að hrósa mér fyrir hvað ég væri nú búin að ná miklu af mér og hvað ég lyti nú vel út. Amma mín kom til mín bara næstum grátandi og sagði "mikið rosalega er ég nú stolt af þér Olla mín, þú ert ekkert smá flott og fín" amma alltaf jafn fyndin hún heldur að megrun sé lífið sjálft og velgengi mans í lífinu fari eftir foknum kílóum, við sem erum ofstórar og búnar að berjast við þetta lengi við vitum betur.

2004-06-06T21:03:00.000Z

Gott gott

Jæja þrátt fyrir óstjórnlegt át á föstudaginn þá var ég enga að síður 93,0 á vigtinni í morgun og því farin 10,5 kg. Var í fermingu í dag hjá lilla bro og það var æði ég át á mig gat af hrásalati og kjöti og lét kökurnar alveg vera nema örlítin bút af kransaköku. Umm og þetta var svo gott og hollt allt hjá henni mömmu minni. Mikið um sjávarfang einsog fisk paté og graflax og svo íslenskt heimaslátrað og heimaverkað lambakjöt og svo Bæonskinka og kjúklingabitar (sem ég gerði ofsa gott) og mikið af fersku hrásalati ummmm fæ enn vatn í muninn, skolaði svo öllu niður með vatni, leyfði mér að vísu að fá mér eitt glas af appelsíni en það var ekki meira sem ég leyfði mér. Það fyndnasta við þetta allt var það mér fannst ég ekki vera að neita mér um neitt, heldur þvert á móti fannst ég borða voða vel (enda vigtaði ég ekkert það sem ofaní mig fór) kom svo heim og drakk tvo lítra af vatni svo ég fái nú ekki bjúg af þessu öllu. Allt æðislega gott og ég bara svakalega sátt við mig og með engan móral enda ekkert gert af mér :þ

2004-06-05T12:05:00.000Z

Hvaða helvítis

Urr ég datt í það í gær alveg kolféll bara. Var í allt gærkvöld að raða upp borðum og dúka þau fyrir ferminguna hjá litla bróður mínum og svo þegar ég kem heim sé að karlinn hafði keypt sér snakk poka. Hann var farinn að sofa og snakkið bara lá þarna og ég byrjaði og át og át og át og svo þegar snakkið var næstum búið þá fór ég fann pitsu sem hafði verið í matinn og át eina sneið af henni arg og nú er ég ekki mjög glöð með sjálfa mig. Eina góða við þetta var að ég skolaði niður næstum 2 litrum af vatni með en veit ekki hvort það bjargar einhverju! Svo þegar ég steig á vigtina í morgun þá var ég náttúrulega eftir allt þetta át 94 helvítis. En jæja ég get svo sem ekki breytt því núna verð bara að passa mig. En þetta þýðir engar kökur og ekkert í fermingunni það er alveg á tæru!

Sé það hjá ykkur hinum að það rok gengur og ég er bara öfundsjúk því ég er hérna að gera þetta á hnefunum núna. Finn fyrir mikilli fíkn og lýður ekki sem best. Verð greinilega að fara að horfa í það hvað ég er að setja ofan í mig sem er að valda þessari fíkn hjá mér. Svo vil ég vera duglegri í að hreyfa mig en nenni ekki að labba með barnavagninn alltaf og það er búið að vera svo mikið að gera hjá karlinum að ég kemst ekki út nema með barnavagnin með mér og þá finnst mér ég ekki vera að fá nóg út úr hreyfingunni. Pirr og arg, en ég verð samt að gera eitthvað til að halda áfram því ég er ekki hálfnuð í brúðarkjólinn og það þýðir ekkert að stoppa núna.

2004-06-04T12:09:00.000Z

FRÁBÆRT

Ætlaði bara að segja ykkur að ég er búin að missa 10.1 kg. Var 93.4 á vigtinni í morgun. Ætla ekki að hafa þetta langt því það er svo gott veður og ég er að hugsa um að hlaupa létt stíg út í það Jíbbý.

2004-06-03T12:42:00.000Z

Bjúgurinn farin

Jæja bjúgurinn og þrotinn á undanhaldi sem betur fer ég hélt að ég væri bara dæmt til þess að vera þrotin for the rest of my life. En hann er sem sagt að byrja hugsa sér til hreyfings, enda var mun skemmtilegra að stíga á vigtina í morgun og sagði hún mér að ég vigtaðist nú 93.7 kílógrömm sem er náttúrulega bara frábært þannig ég á aðeins 200 grömm í -10 kílógrammaflokkinn! Annars er ég að skána og ætla sko að verja megninu á deginum úti á hreyfingu enda er ég komin með ansi mikil fráhvarfseinkenni frá útiverunni. Var að spá stelpur hvort við ættum að stefna á að hittast eitthvað í sumar? Koma saman í grill eða eitthvað. Pælið í því!

2004-06-02T10:50:00.000Z

Mæli mæl

Jæja mældi mig í dag þó svo bjúgurinn sé ekki alveg farinn og þrotinn einnþá til staðar. En hey verð ég þá bara ekki slimmari næst? :Þ

MAGI: 118
RASS: 118
MITTI: 95.5
LÆRI: 65
UPPHANDLEGGUR: 34
VIGT: 94

Þannig að allt í allt eru farnir 6.5 cm og 700 grömm sem er ágætt miðað við að ég sé enn að burðast með of mikin vökva. Plús þá fer líkaminn í svelti þegar maður borðar svona lítið einsog ég hef gert síðustu daga og heldur þá í forðann. Er að skána í munninum og er því farin að borða aðeins meira vona að þetta rjúki af mér þessa vikuna enda ætla ég að reyna að vera svaka dugleg þó svo að litli bróðir minn sé að fara fermast, maður giftir sig bara einu sinni!
Ætla að byrja að fara út í dag enda frábært veður rigning og logn ummm dríf mig út.

2004-06-01T23:19:00.000Z

Smá breytingar

Jæja búin að breyta og bæta smá hjá mér. kannski ég geri það aftur er ekki viss hvort ég er nógu ánægð með þennan bakgrunn en sé til. Jæja best að fara að drífa sig í bólið.

2004-06-01T11:24:00.000Z

Engin vigtun í dag

Jæja ég ákvað að sleppa vigtinni og mælingunni í dag. Enda er ég ennþá öll bjólgin og þrútin þó svo ég sé að taka bólgueyðandi og reyna að drekka fullt af djús og vatni. Þannig ég er bara hér í eymd og volæði. Mest vorkenni ég mér það að geta ekki komist út að labba en vona að ég verði búin að hrista þetta af mér á morgun og geti þá hlaupið út. Reyndar er uppáhalds veðrið mitt núna rigning og blanka logn ohhh mig langar úúúúúttttt.

Fráhaldið mitt gengur samt ansi vel enda ekki margt hægt að borða með bólginn og útsaumaðann munn en það er þó jákvætt í þessu öllu. Annars hef ég það ekkert eins slæmt og ég vil vera láta bara smá að vorkenna sjálfri mér

2004-05-31T17:57:00.000Z

Kjúklingurinn

Jæja ég er bara búin að vera lasin. Með 40 stiga hita og sýkingu í munninum og hálsinum og alls staðar bara. Þannig að mest hef ég eitt deiginum í dag í rúminu. Passa samt að reyna að drekka mikið svo ég ofþorni ekki en það er nú ekki mikið sem fer ofaní mig af mat enda mjög sárt að borða. Ég er með svo mikin bjúg að ég er eins og ég sé tvöföld og svo er ég öll bólgin og öll úr skorðum gengin. Plús allt þetta þá er ég líka á blæðingum þannig að það gæti bara ekki verið meira að. Þetta þýðir að ég hef ekkert verið að stíga vigtina og ekki verið að mæla mig neitt og efast um að ég geri það á morgun heldur. Það er ekkert að marka þegar maður er uppfullur af bjúg og öll þanin og bólgin.

Er að vona að ég fari að hrista þetta af mér svo ég geti komist út að hreyfa mig. Finn það alveg þegar ég er svona föst inni að ég sakna þess að fara út og hreyfa mig. Orðin algjör íþróttafrík bara hehe. Vona að ykkur hinum gangi samt vel.

2004-05-29T15:19:00.000Z

Held áfram

Jæja var 93,9 í morgun á vigtinni, nokkuð gott bara. Ekki eins mikil hreifing núna og hefur verið síðustu daga því í gær fór ég til höfuðborgarinnar í þeim eina tilgangi að láta rífa úr mér tvær tennur. Það var ÓGEÐSLEGA vont. Svo nú sit ég hér heima og má ekkert gera því ég er öll út sömuð í kjaftinum . En ég er nú að vona að þetta skáni eitthvað því það er von á mörgu fólki hér í sveitina um helgina og ábyggilega fylgir því fullt af fjöri.

Borða voða lítið enda ekki gott að borða með sauma í munninum en reyni samt að drekka nóg af vökva og svona. Var samt eitthvað döpur þegar ég vaknaði í morgun og fannst þetta eitthvað ekki vera þess virði. Finnst þetta ganga allt of hægt og ég sé svo svakalega feit að það þurfi svo mikið að fara til þess að sé hægt að sjá einhvern árangur. Svo hef ég ekki keypt mér föt í mörg ár og því get ég ekki séð á fötunum mínum árangur eða þið vitið ég hef engar buxur sem ég passaði í fyrra eða eitthvað til að fara í. Þær buxur sem ég á eru bara allar í 32-40 og ég á LANGT í það að passa í þær enda eru þær bara í poka inní geymslu. Svo ég er bara hálf vængbrotin eitthvað núna.

2004-05-28T10:11:00.000Z

Þrammið borgaði sig

Jæja jæja var 94,0 í morgun því 9,5 kg farið í allt. Greinilegt að þrammið í gær hafði sín áhrif. Hlakka til að komast í niður í -10 kílóaflokkinn en reyni samt að taka bara einn dag í einu það hefur ætíð reynst mér best. Annars fjölgar óðum í átaksbloggsamfélaginu og ég hef vart við að setja inn nýja linka, vona að ykkur öllum eigi eftir að ganga eins vel og mér. Má ekkert vera að þessu frábært veður og skjáturnar bíða.

2004-05-27T19:31:00.000Z

ÞAÐ FJÖLGAR Í LITLA SAMFÉLAGINU OKKAR

Jæja bætti inn tveim linkum, velkomnar í hópinn stelpur og gangi ykkur sem allra best.
Annars allt fínt hjá mér er ennþá í vorverkunum, hélt áfram að þramma með girðingum í dag þannig að einhver hreyfing hlaust af. Vigtin var skemmtileg í morgun 94,4 og því 9,1 kg farið!!! Styttist óðum í 10.

2004-05-26T19:14:00.000Z

Vorverkin eins og líkamsrækt

Jæja ég er búin að þramma mikið í dag. Við erum að leggja síðustu hönd á vorverkin okkar hér í sveitinni og má með sanni segja að gömlu, góðu vorverkinn eru sko ekkert síðri líkamsrækt en sú sem líkamsræktunarstöðvarnar bjóða. Við Sveinn erum búin að vera að girða fyrir skjáturnar okkar og erum ekki alveg búin og það tekur sko á. Svo er ég með harðsperrur eftir göngutúrana í gær en þá labbaði ég mér hér út á veg til að reyna að svæfa stelpuna, ekki gekk reyndar að svæfa hana en ég fékk ágæta hreyfingu. Þannig ef þið viljið góða áreynslu stelpur í faðmi ægifagurar náttúru þá komið til mín og ég skal finna ykkur einhver verkefni.

2004-05-25T14:26:00.000Z

MÆLI/SMÆL

Jæja þriðjudagur og ég hef mælt allt heila klappið, eða öllu heldur keppið, og hljóðuðu síðustu mælingar svona.

MAGI: 119
RASS: 119
LÆRI: 66
MITTI: 97
BRJÓST 116
UPPHANDLEGGUR: 35

VIGT 94,7

Jæja þetta var bara ekki svo slæmt. Hafa farið af mér 7 cm þessa vikuna og 2,7 kg nokkuð gott bara, þá hafa farið allt í allt 65,5 cm og 8,8 kg á síðustu 6 vikum. Verður gaman þegar ég verð búin að ná af mér öllu að bera saman tölurnar frá því ég byrjaði og þar til að leiðarenda.

Jæja ætla að hætta þessu blaðri í bili og drífa mig út í góða veðrið.

2004-05-23T14:12:00.000Z

Ég á það ekki skilið en það gerðist samt

Já ég á það svo sannarlega ekki skilið en það gerðist samt að ég var léttari á vigtinni í morgun en í gær! Þannig í morgun var ég 95,1 og því farið 8,4 í allt. Þetta hvetur mig áfram og ég ætla sko að passa mig vel alla þessa vikuna og sukka ekkert. Svo hef ég ekki verið nógu dugleg í vatninu og hef bara alveg gleymt að drekka nokkra mjólk þannig að ég verð að fara að taka mig á í því. Ég er svo ótrúlega stolt af mér að ég verð bara að klappa mér á bakið *klapp* *klapp* En það má ekki alveg gleyma sér og ég komst upp með sukkið núna en ekki víst að ég komist upp með það aftur og því verð ég að passa mig, ekkert sukk núna *skamm* *skamm*.

Vona að ég haldi áfram á þessari braut og við allar við höfum allar staðið okkur svo vel

2004-05-22T23:57:00.000Z

Hummmm

Jæja meira ekki nógu gott hjá mér. Fór út að borða með karlinum sem var reyndar ossa gott en valdi ekki alveg það hollasta á matseðlinum en samt ekkert það óhollasta heldur, en þegar við komum svo heim þá tók eginlega ekki betra við því ég fékk mér þá samloku með hamborgarasósu og mozarlella osti en jæja þýðir samt ekkert að væla eins og gamall hundur með liðagigt.

Verðlaunaði mig smá í dag. Það var svaka lager útsala hjá Outlet og við fórum (karlinn lét sig hafa það) og ég gramsaði og gramsaði og fann á mig 3 peysur, einn topp, eina silkislæðu og eina skó og borgaði fyrir það 2400 kall! Núna lýt ég út eins og glæsi pía og karlinn er sko ekkert smá hrifinn, mér fannst ég nú eiga það skilið að verðlauna mig aðeins eftir 8 kg. Vona bara að ég fari nú ekki að gefast upp núna, en róðurinn er farinn að þyngjast lítilega en nú er bara að vera staðföst og hugsa um brúðkaupið og hvað ég ætla að verða sæt þá!

2004-05-21T18:14:00.000Z

EKKI ALVEG NÓGU GOTT

Jæja var með kynningu í gær og bauð upp á brauðrétt og svo grænmeti með ídífu. Sleppti mér smá í grænmetinu og ídífunni en fékk mér ekki af brauðréttinum. Í morgun fékk ég mér brauðrétt í morgunmat í stað fyrir mitt vanalega ristaðabrauðs og núna seinnipartinn þá gleymdi ég mér smá bæði í brauðréttinum og grænmetinu (aðalega samt ídífunni) þannig að ég er ekki alveg að standa mig nógu vel núna. En ætla samt ekki að gefast neitt upp og smæla framan í heiminn. Var 95,4 í morgun og því 8,1kg farið á rúmum 5 vikum nokkuð gott.

Fór í fjöruferð í dag með syni mínum og var ansi stolt af því að ég gat farið í "gömlu" úlpuna mína en ég hef ekki getað rennt henni að mér síðan ég varð ófrísk af stelpunni og ég var meira að segja í flíspeysu innanundir!

2004-05-20T11:28:00.000Z

SLEÐAFERÐ

Ég er eins og sleði á fullu farti og virðist bara ekkert ætla að stoppa í bráð. Steig á vigtina í morgun eins og vanalega og var 95,7 þori varla að hugsa til þess að einn daginn gæti ég staðið í stað. Reiknaði það út í morgun að ég þurfi að missa rétt rúma 2 metra til að verða eins og ég vil í laginu og samkvæmt því þá er ég búin að missa rúmlega 1/4 af því aðeins á fimm vikum, ótrúlegt alveg.
Mig langar svo til að þakka ykkur elskurnar fyrir allt peppið, þessar heimasíður og kommentin eru bara eins og OA fundir, frábært að geta farið á fund heima hjá sér í afslöppun . Ég verð ánægðari með sjálfa mig með hverjum deginum sem líður og ég vil meina að án ykkar væri ég búin að gefast upp, það er nefnilega ótrúlegt hvað smá lítil hvatning getur fleytt manni langt.

2004-05-19T11:15:00.000Z

HAMINGJAN Í FYRIR RÚMI

Yndislegt alveg. Ég held áfram að léttast og var 96,0 í morgun frábært þá er allur sukk-bjúgurinn farinn af mér. Þyrfti bara að hreyfa mig meira en er hálf hreyfihömluð hérna heima núna því Arndís mín er lasin og ég get því ekki sett hana út í vagn og tekið hana með mér. Er alvarlega farin að þrá að komast í góðan göngutúr.

Annars er ég ennþá í skýunum eftir gærdaginn og vona bara heitt að þetta haldi áfram. Fór í vigtun í gær til Kristínar og kom vel þar út líka. Hitti þar konu sem ég kannast við og hún segir mér að hún sé búin að missa 12 kg síðan í janúar ég óska henni til hamingju og hvet hana áfram á góðri braut og segi henni síðan hvað ég var búin að missa síðan 13 apríl. Þá segir hún við mig "já þú ferð trúlega að stoppa núna og standa í stað, og þá gefstu nú örugglega upp!" Það var eins og hún hafði slegið mig í andlitið ég var svo hneiksluð. ÉG var búin að hvetja hana áfram og hrósa henni fyrir frábæran árangur og svo gat hún ekki samglaðst með mér þegar ég sagði henni frá mínum árangri. Ég sagði nú bara við hana að ég ætlaði mér ekkert að gefast neitt upp þó að það kæmu erfið tímabil ég væri nú bara einfaldlega ekki sú týpa. Bað hana bara svo vel að lifa.

2004-05-18T13:53:00.000Z

YESSSS

Jæja þriðjudagur og ég bjóst við öllu hinu versta þegar ég steig fram úr í morgun. Langaði bara eginlega að forðast vigtina og málbandið en vissi að það þýddi ekkert. Var svakalega dugleg í gær og gerði allt rétt og ekkert svindl. Bruggaði mér djús í gær til að losa mig við allt vatnið sem hafði safnast á mig, enda var ég næstum kílói þyngri en fyrir helgi, og það var eins og við manninn mælt vatnið bara lak af mér. Svo þegar ég steig á vigtina í morgun var ég 96,4 sem mér fannst bara svakalega gott eftir allt þetta sukk á laugardaginn. Jæja svo tók ég upp málbandið aðeins glaðari eftir þessar góðu fregnir frá vigtinni og viti menn ég hef misst fleiri sentimetra núna en síðast. Þannig að málin hljómuðu svona.

MAGI: 122
RASS: 120
LÆRI: 67,5
MITTI: 98 (YES KOMIN NIÐUR FYRIR METER)
BRJÓST: 117
UPPHANDLEGGIR: 35
VIGT: 96,4

Þannig allt í allt eru farnir 58,5 cm og 7,1 kg og á milli vika eru farnir 10,5 cm og 600 g.
Bara frábær árangur þó ég segi sjálf frá. Þetta eflir mig að sjálfsögðu í því að halda áfram.
Var að pæla í því í morgun að í raun þó svo ég sé svona feit þá er ég ánægðari með mig núna en ég hef verið í lengri tíma (þá meðtalinn tíminn er ég var mjó), mér finnst ég bara vera flott og sexý og það skrítna er að manninum mínum finnst það líka. Þannig ég er alveg að sjá það að við getum stjórnað þessu fullt sjálfar bara með réttu hugafari og góðu sjálfstrausti. Fólki finnst ég flott ef mér sjálfri finnst ég flott.

2004-05-16T14:31:00.000Z

AAAARRRRGGG

Jæja jæja. Brjálað sukk í gær. Hef ekki sukkað svona síðan ég byrjaði í megganum. Enda er mér illt í skrokknum núna, gömlu liðverkirnir (sem ég vissi reyndar ekki að væru horfnir fyrr en ég fékk þá aftur) eru aftur mættir á svæðið. Mér er svo illt í maganum og bakinu og alls staðar að ég held að ég þurfi bara að skríða inn í holu og deyja. Reyndar ekki það sem ég ætla mér því ég vaknaði (þrátt fyrir alla liðverkina) full af fídómskrafti og til í að takast á við keppaverkefnið mitt aftur.
Brjálað stuð og hamingja!

2004-05-15T13:20:00.000Z

NÚ DUGIR ÞETTA EKKI LENGUR

Jæja nú er ég búin að ákveða að þetta ástand hér á mér dugi ekki lengur. Nú ætla ég að halda áfram þar sem frá var horfið, áður en ég fór í aumingjakast, og rísa upp á afturlappirnar og berjast við helvítis vambarpúkann. Ég virðist ekki (sem betur fer) hafa þyngst í þessum aumingjaskap mínum og því kannski auðveldara að halda áfram. Samt farin að kvíða fyrir vigtununni hjá Kristínu á þriðjudag þó svo ég sé að reyna að segja við sjálfan mig að það sé ekki sú vigt sem ég sé að fara eftir og slíkt þá get ég ekki annað en að kviðið fyrir.
Mig er farið að hlakka til að verða mjó og ég má ekki skemma það fyrir sjálfri mér. Þá er ég ekki viss um að ég geti nokkru sinni fyrirgefið mér. En allavega nú ætla ég að halda áfram og ég er það ákveðin og frek manneskja að ég get það sem ég ætla mér!

Langar bara að þakka ykkur elskurnar fyrir stuðninginn og hef ég best séð það núna hvað svona átaksblogg getur verið mikill stuðningur við mann, því maður þarf að standa sig fyrir fleiri en mann sjálfan.

2004-05-14T12:41:00.000Z

ÞÁ STÓÐ SVÍNIÐ UPP OG LABBAÐI HEIM Á LEIÐ

Helvítis veikleiki. Keypti um daginn súkkulaði kex fyrir Svein og Binna, hélt nú að ég gæti alveg ráðið við það að eiga það til. En nei nei í gær fékk ég þetta óstjórnlega átkast, ég bara stóð og tróð upp í mig mat, skóflaði bókstaflega með báðum höndum allt það sem ég náðií og þar á meðal svona 5 eða 6 súkkulaðikex. Varð eginlega mikið illt á eftir og í morgun þegar ég vaknaði var mér svo illt í líkamanum og aum eftir þetta stjórnlausa át að ég hélt að ég myndi deyja!
Var samt 96,2 á vigtinni þannig að allt í allt eru farin 7,3 kg sem er náttúrulega mjög gott. Verð bara að halda áfram, má ekki gefast upp, ég neita að vera feit það sem eftir er!
Ég er sko alveg sjör á því að ef ég ætti ykkur ekki að *sniff* *sniff* þá væri ég sko löngu búin að gefast upp. En ég vona að ég fái og finni fljótlega aftur sama kraftinn sem hefur fylgt mér hingað til í þessu átaki mínu, og taki þessu sem hverju öðru tímabili sem mátti alveg búast við.

2004-05-13T12:29:00.000Z

SVINDLERÍ SVINDL

Jæja verið oggulítið að sukka. Gleymdi mér á þriðjudaginn og var búin að troða í mig 4 hrökkbrauðsneiðum með osti og smjöri áður en ég vissi af!!! Fór svo á kynningu um kvöldið hjá múttu og sú gamla náttúrulega með hlaðborð af kræsingum, en ég var með svo mikin móral eftir hrökkbrauðssukkið að ég lét mér kaffið duga, þannig ég fæ hálft klapp á bakið. Er ekki búin að vera nógu dugleg í vatninu og mjólkinni þarf að taka það í gegn hjá mér. Svo eru ávextirnir líka eitthvað minni heldur en þeir eiga að vera. Þarf að fara að endurskoða þetta allt hjá mér. Svindlaði pínku líka í morgun. Fékk í heimsókn fólk frá Féló til að taka út hjá mér af því ég er vistforeldri í sveit og var búin að útbúa bakka með smurbrauði ekkert óhollt álegg svo sem egg, gúrkur og flatkökur með reyktri skinku en ég borðaði eina eggja brauðsneið og 3 flatkökur með skinku (skamm vond slumma (úr leitin að Nemó))og fékk mér ekki ávöxt eða tók vítamínin mín. En jæja get huggað mig við það að ég er þó ekki að leggjast í sætinda át!! Var samt 96,6 á vigtinni í morgun þannig að eitthvað er ég að gera rétt!
Núna er maður að verða soldið þreittur á þessari megrun og er ekki eins mikið á tánum og fyrst, en það er samt megin atriði að maður leggist ekki í sukk og svínari og reyni eftir bestu getu að vera soldið meðvitaður. ÆTLA að vera mjó þegar ég gifti mig og ÆTLA að vera mjó þegar ég verð 25 ára og hana nú! Helvítis spik að drepa mann.

2004-05-11T10:54:00.000Z

ÞRIÐJUDAGUR

Jæja í dag er þriðjudagur og auðvita var ég eigi fyrr risin úr rekkju en málbandið góða var tekið fram. Brúkaði ég það um alla mína "fögru" keppi og var útkoman svo hljóðandi.

MAGI: 123
RASS: 121,5
LÆRI: 69
MITTI: 102
BRJÓST: 118
UPPHANDLEGGIR: 36
VIGT: 97

Jæja þá eru alls farnir 48 cm og 6,5 kg síðan 13 apríl. Milli vika missti ég 8,5 cm og 1,7 kg. Ekki eins mikill missir og hefur verið en það er ekki endalaust hægt að missa tugi sentimetra. Samt þetta er ágætt.

Mér sýnist bak-keppirnir hafa minkað en þeir fara mest í taugarnar á mér. Rassinn er aftur á móti eitthvað seinn að grípa það að hann eigi að minka og er því bara alltaf jafn stór helvítið á honum. Mest hef ég misst í mittið eða 12 cm svo kemur maginn og er farið af honum 10 cm svo koma brjóstin með 8 cm og svo lærin með 7,5 cm og svo rassinn með 6,5 cm og svo reka upphandleggirnir restina með 4 cm farna. Vona bara að þetta haldi áfram að minka.

2004-05-10T20:49:00.000Z

ÞAÐ HLAUT AÐ KOMA AÐ ÞVÍ

Jæja jæja það hlaut að koma að því. Ég er komin með leið á þessari megrun. Ekki það að allt gangi vel og ekki það að mig langar í eitthvað sem ég má ekki fá heldur er ég orðin leið á því hvað ég held að þetta gangi ekkert hjá mér! Held að það hljóti að vera bara betra að hætta að hugsa um þetta allt saman í stað þess að vera sífellt að mæla sig og vigta. Væri eginlega til í að fá einhvern til að sýna mér svona framtíðar mynd af mér. Sýna mér svart á hvítu að ef ég held svona áfram þá muni ég eftir x langan tíma vera orðin svona mjó. Fúllt púllt
Annars púlaði ég heilmikið í dag, mokaði út úr hesthúsunum, hef ekki gert það síðan áður en ég varð ófrísk af Arndísi Ingu. Gaman að taka ærlega til hendinni aftur, á morgun ætla ég svo að fara að stynga út úr fjárhúsunum hjá mér en ég er með taðhús svo það fylgir vorverkunum að stynga út. Það verður reyndar enginn svaka vinna því þær eru bara þrjár skjáturnar mínar. En öll hreyfing er góð ekki satt?!
Jæja bið að heilsa í bili

2004-05-09T11:58:00.000Z

Hinn brjálaði Olludjús

Þetta finnst mér svaka fyndið. Allar að drekka engiferdjús og búið að skíra hann í höfuðið á mér ég vona bara að hann virki jafn vel á ykkur og á mig!!
Var að lesa hjá einni ykkar (man ekki hverri í augnablikinu) umræðu um vatnið, að það sé ekki mjög hollt að drekka of mikið af því. Ég er ekki sammála, ég er heilari og þau skilaboð sem ég hef fengið um vatn er það að við eigum að drekka sem mest af því. Því meira því betra. Líkaminn okkar er að mestuleiti vatn og við getum ekki lifað án þess, við getum lifað ótrúlega lengi án fæðu en ekki án vatns. Ég held að með stöðugri og mikilli vatnsdrykkju sé hægt að laga margt hvert vandamálið í líkama okkar, veit um fólk sem hefur lækkað kólesteról og háþrýsting með mikilli vatnsdrykkju. EF maður venur sig á mikla vatnsdrykkju þá hættir maður fljótlega að vera alltaf að pissa, líkaminn fer að nota vatnið í annað og hættir að skila því eins mikið út. Ég er ekki viss um að maður geti fengið þvagleka á því að drekka mikið vatn, ég hef verið með þvagleka allt mitt líf og til að bæta hann þarf ég að æfa vöðvana í kringum blöðruna, sem sagt magavöðvana og grindabotninn og mér finnst þvaglekinn einmitt aldrei vera verri en þegar ég hef trassað það í soldin tíma að drekka vatn. Ég held að þegar maður er orðinn þyrstur þá sé orðinn verulegur vatnsskortur í líkamanum sem er ekki gott, þá einmitt byrja söltin að skilja sig úr líkamanum (allur vökvi verður saltari og súrari, sjáið það á pissinu sem er þá orðið dökk gult) og þá byrjar bjúgurinn að setjast á mann. Maður verður því að passa að verða ekki þyrstur. Ég trúi því statt og stöðugt að vatn sé allra meina bót þá sérstaklega okkar góða Íslenska vatn, og við sem erum svo heppnar að geta notið þess ættum að gera það í eins miklum mæli og við getum.

Annars gengur allt vel ég var 97 á vigtinni í morgun sem þýðir að 6,5 kg er farið (yesssss) síðan 13 apríl, held reyndar enn þá að vigtin mín sé eitthvað klikkuð og er orðin virkilega stressuð yfir þessu. Sagði við kallinn minn í gær að ég væri bara ábyggilega ekkert að léttast og þetta væri bara allt eitthvert svindl. Hann hélt nú ekki og reyndi að stappa í mig stálinu. Ég veit bara að vigtin þokast niður á við og meðan hún frekar niður en upp þá er ég ánægð skítt svo með það hvað ég sé þung í raun og veru.

2004-05-07T10:52:00.000Z

JÍBBÝ

Ég er núna búin að losna við 5,8 kg síðan 13. apríl. Bjóst aldrei við að þetta myndi ganga eitthvað, ég er svo oft búin að fara í svona aðhald (eins og amma kallar það) en aldrei neitt gengið. Nú bara flýgur þetta af mér. Ég var á vigtinni í morgun 97,7, held reyndar að þessi vigt sé á samning við djöfulinn og sýni alltaf minni og minni þyngd en sé bara að plata mig, ég sé enn í raun og veru 104 kg. En sentimetrarnir ljúga ekki (ekki nema að málbandið mitt sé líka á samning hjá djöflinum) og þeir fjúka einn af öðrum. Mældi magann á mér í morgun svona að ganni og þar voru einhverjir sentimetrar farnir þannig það verður spennó að sjá hvernig fer á þriðjudag. Ég er farin að dagdreyma um það hvernig ég verð í brúðkaupinu mínu næsta sumar þá ætla ég mér sko að vera flott. Annars er ég búin að setja mér það langtíma markmið að vera orðin 62kg (kjörþyngd mín) þegar ég verð 25 ára en það verður 9 okt. 2005 vona að ég nái því.

Annars er bara allt við það sama, skítakuldi og rok þannig að ég nenni ekkert að labba úti vona samt að það hafi ekki mikið áhrif á vigtina. En hef ekkert meira að segja í bili.

2004-05-06T15:47:00.000Z

DUGNAÐAR-LETIKAST

Já ég er í dugnaðarletikasti núna! Þið spyrjið ef til vill hvernig það má vera, en það lýsir sér í því að ég á að vera mjög dugleg (vaska upp, taka til, skúra etc.) en er hér í staðinn að blogga um átakið mitt. Allt gengur bara vel í þeim efnum og ég fer hríð minnkandi reyndar maginn á mér töluvert þaninn út af blæðingum en annars er bara farið að sjá á mér munur þá sér staklega í framan og um mittið. Gaman að finna hvað þetta er létt (7-9-13) enn þá. Fyndið að mér finnst ég bara ný byrjuð í þessu en samt eru komnar rúmar 3 vikur síðan ég byrjaði ég er nefnilega alltaf að bíða eftir því að ég leggist í át kast og flegi mér svo grenjandi í rúmið yfir egin aumingjaskap en það hefur ekki gerst (alla vega ekki enn þá) þannig ég hef bara ekkert markvert til að segja ykkur nema að það GENGUR ALLT SVO LJÓMANDI VEL!!!

2004-05-05T15:11:00.000Z

....OG ÁFRAM SKAL HALDIÐ....

Jæja þetta mjakast allt með sínum hraða. Var 98 á vigtinni í morgun þannig að yfir fimm kíló eru farin (yesss, yesss, yesss). Fór í vigtun í gær til Kristínar (ég held að ég hef aldrei séð eins margar feitar kerlingar saman komnar á einn stað) og það vantaði 400 grömm upp á að ég væri jafn þung og síðast þannig ég var þar 104,2 en var síðast (þ.e. í janúar lok) 103,8 var bara nokkuð sátt við það þar sem ég þyngdist um 6 kg síðan þá og þangað til ég byrjaði á þessu átaki hjá mér núna. En það er sem sagt ljóst að ég þurfi að rjúfa þriggjastafa múrinn tvisvar en það er nú allt í lagi ég held mig bara við mína vigt þessi er bara svona auka.

Hundleiðinlegt veður hérna á klakanum núna vildi að ég væri bara komin til Noregs til Lilju eða til Danmerkur til stóru konunar það væri sko ljúft. Nenni ekkert að labba þegar veðrið er svona nema þá bara út í fjárhús. Þannig ég býst alveg við því að vigtin verði ekki á eins mikilli hraðferð niður og hún hefur verið. En það á að hlýna á föstudag/laugardag þannig að þá get ég farið eitthvað út að gera eitthvað skemmtilegt. Fyndið hvað ég sakna einskyns, ég meina til dæmis finnst mér pizzur voða góðar en ég sakna þeirra ekkert núna þegar ég "má" ekki borða þær hélt einvhern veginn að þetta yrði mikið erfiðara allt en svo virðist ekki vera alla vega ekki enn. Það verður allt að vera auðvelt hjá mér ég hef nefnilega enga sjálfstjórn eða aga, ef illa gengur eða mig langar mikið í eitthvað þá fæ ég mér það bara ég er svo mikill aumingi. Ég hætti að reykja eftir að hafa reykt í í rúm 10 ár og það tók eitt námskeið á einu kvöldi og eru komin 2 ár síðan, ég hafði sko aldrei getað hætt að reykja ef ég hafði ekki bara gert það svona á námskeiði. Eins er þetta með matinn ég þarf vist aðhald frá einhverju eins og DDV því ég get ekki ákveðið það bara sjálf að hætta að borða slæmar fæðutegundir.
En jæja best að hætta þessu og muna að taka einn dag í einu.

2004-05-04T13:33:00.000Z

TÖFRASTUND

Jæja í dag er þriðjudagur og því var málbandið tekið upp og allir keppirnir mældir. Ég var svakalega sátt, ég var 98,7 á vigtinni og 11,5 cm og 2,3 kg farinn á milli vika. Þannig allt í allt eru farnir 39,5 sentimetri og 4,8 kg gerir aðrir betur. Þannig málin hljóma þannig.

Magi: 127 (er reyndar á túr því meira þaninn en því fleiri verða farnir næst)
Rass: 122
Læri: 70,5
Mitti:103
Brjóst: 119
upphandleggir: 36,5

Mest farið af lærunum, brjóstunum og mittinu ansi gott. Vonandi heldur þetta bara svona áfram þannig að einn daginn þá verði í 90, 60, 90 eins og flottu kerlunar. Gaman líka að sjá vigtina fara áfram niður, eins gott að ég standi ekki í stað því ég er svo vön að sjá hana hrapa niður við hverja vigtun, en ég geri bara eins og alkarnir ég tek einn dag í einu.
Fékk ég gær frábæra uppskrift af engifer-sítrónu djús, ég hef svo sem oft drukkið engiferte en alltaf fundist það vont en þetta finnst mér alveg þræl gott svo hjálpar þetta mér mikið með liðverkina og annað því engiferin er svo bólgueyðandi. Alla vega læt uppskriftina fljóta hér með svo þið getið prófað þetta sjálfar.
2 l vatn
c.a. 8 cm engiferrót
1 sítróna.

Engiferrótin er afhýdd og skorin niður í þunnar sneiðar, sett í pott ásamt 2 l af vatni. Sítrónubörkurinn rifin ofan í og allt látið sjóða á lágum hita í u.þ.b klukkutíma. Potturinn þá tekin af hitanum og látinn standa yfir nótt. Sítrónusafinn er kreistur úr sítrónunni yfir (eftir nóttina) og svo seiðið sigtað. Svo láta seiðið í 2l gos flösku og geymt í kæli. Djúsið blandað svo svona sirka 50/50 með vatni, ég geri það bara í hvert glas fyrir sig.

Alla vega rennur vatnið mun betur af mér þegar ég drekk þetta og það eru engar hitaeiningar í þessu svo allir mættu drekka þetta.

2004-05-03T11:45:00.000Z

ALLT ER GOTT

Jæja allt er gott og allt gengur sem best. Steig á vigtina í morgun og viti menn vigtin var bara góð við mig! Búin að rjúfa þriggjastafamúrinn og er ég því núna 99 kíló. Ferlega ánægð með þetta allt saman. Greinilega allar ferðirnar útí fjárhús sem eru að borga sig, enda er ég búin að fara ansi oft. Ein rollan er borin og var hún tvílembd og komu tvær gimbrar sem hafa fengið nöfnin Sigga og Svört.
Sveinn horfði á mig í gær og ég segi eitthvað svona hvað ertu að glápa á mig og hann segir "ég er bara að dáðst að þér" nú segi ég af hverju, "jú af því að þú ert svo dugleg í megrununni" ég held svei mér þá að ég hafi bara roðnað af gleði. Svo sagði hann líka að hann væri farinn að sjá mun, að maginn væri að minka svo mikið á mér, ég var ekkert smá ánægð með það enda er gaman þegar mans nánustu sjá að það gengur vel hjá manni. Enda er fólk farið að segja að ég sé að standa mig vel og það sé farið að sjá mun, þetta allt hvetur mann áfram á góðri braut. Ég er búin að fá mér svona matarblað og nú ætla ég að skrifa allt niður þar sem ég borða. Ég er búin að ákveða það að eftir 10 kg þá ætla ég að fara að synda, ég þori ekki fyrr enda er ég svo rauð og slitin alls staðar, en nú ætla ég að fara þurrbursta húðina og þá er vonandi að slitin dragi sig saman og húðin líka.

Jæja vona að þetta verði jafn góður dagur og allir hinir á þessum tæpum þrem vikum. 4,5 kg farið yessssss.

2004-05-01T18:44:00.000Z

VEISLUR Á VEISLUR OFAN

Jæja er ný komin heim úr fermingaveislu sem gekk bara ótrúlega vel svona megrunalega séð. Það var bæði matur og kaffi (sem sagt kökur). Ég fékk mér mat bara svona eins og venjulega sleppti kartöflunum og svona en fékk mér mikið grænmeti og kjöt og vatn með. Svo í kaffinu þá fékk ég mér bara enga kökur heldur fékk mér bara kaffi. Þetta gekk bara óvenju vel og mig langaði bara alls ekkert í neitt. Mér fannst ég bara fullt dugleg. Ég reyndar svindlaði svoldið í gær en þá bauð tengdó mér í pönnsur og ég fékk mér eina með rjóma vildi það heldur en með sykri. En það er ekki alltaf hægt að vera með járnvilja enda fannst mér ég ekkert vera að svindla heldur var þetta bara mjög meðvitað hjá mér og ég fékk engan móral á eftir.
Ég er farin að upplifa mig mjóa þ.e. að sjálftraustið er að koma aftur og mér finnst ég vera orðin falleg aftur þó svo ég sé ekki búin að léttast það mikið að aðrir sjái það þá sé ég það og finn líka. Mig er farið að hlakka svo til að verða mjó og komast í fötin mín aftur að það er ekkert venjulegt, enda á ég fullt af fallegum fötum sem ég kemst ekki í núna en eftir svona 20 kg þá kemst ég vonandi í eitthvað af þeim. Þarf nú að verða ansi mikið mjórri til að komast í það sem ég var í þegar ég var sextán enda var ég þá 45 kg anorexíusjúklingur og hef ekki hug á því að verða svoleiðis aftur.
Ætla ekki að telja það upp sem ég borðaði núna enda man ég það ekki allt en geri það á morgun.
Sjáumst síðar. Já Lilja takk fyrir peppið og ég mér finnst líka mikið aðhald í því að vita af ykkur stórukonunni, já og fleirum því þá þarf ég að standa mig fyrir fleiri en mig sjálfa.

2004-04-30T11:35:00.000Z

GAMAN GAMAN

Jæja hef aðeins fundið fyrir "megrununi" síðasta sólahring. Hef langað í kolvetni og já bara verið svöng þannig að ég svindlaði aðeins í gær. Borðaði FJÓRAR hveithrökkbrauðskökur með létt kotasælu og sykurlausu marmelaði ekkert svakalegt en var samt með skíta móral yfir þessu í gær. En held ótrauð áfram. Sauðburður er að byrja hjá mér þannig að ég þarf að vera mikið á hreyfingu hlaupa út og inn og svona og það er bara bísna gaman. Vaknaði í morgun og langaði bara til að stökkva framm úr og fara út að hlaupa greinilegt að maður er að hrista af sér fitudoðann og fá smá aftur af gamla fídómskraftinum. Ég meira að segja hef hlaupið meira síðasta sólahringinn en ég hef gert í 2 ár!! Enda eru vöðvar sem ég hélt að væru farnir í eilífðar dvala farnir að segja til sín en það er allt í lagi ég bara blikka mömmu því hún er nefnilega sjúkranuddari og bið hana um að mýkja mig aðeins.

Allt annars gengið eins og í sögu og ég er svo jákvæð og glöð eitthvað að allt er bara yndislegt. Kallinn minn stendur hundraðprósent með mér í þessu en það er samt aðeins að fara í taugarnar á honum að það séu ekki til súkkulaði kex og slíkt, hann má nefnilega við því að borða slíkt því hann er 12 kg. of léttur. Þannig að við erum eins og gangandi tíu hehe. En hann er ekkert að kvarta þessi elska bara býður sér oftar í kaffi til mömmu sinnar og fær þar sínar kökur.

Fékk mér 80 grömm af kjúklingaborgara í hádeiginu í gær ásamt 310 grömmum af grænmeti, var reyndar frekar lystarlaus vegna vandamáls sem kom upp og kláraði því ekki allt. Svo fékk ég mér fyrr nefndar kexkökur plús eitt ristaðbrauð með kotasælu og sultu. Var frekar dugleg í vatninu en hafði alveg mátt vera meira. Fékk mér svo 170 grömm af kjúkling og beikoni í kvöldmat með 300 grömmum af grænmeti með. Fékk mér svo vatn og appelsínusafa um kvöldið og te.
Ég á að borða meira af AB mjólk eða bara mjólkurvörum yfirleitt en er ansi löt við það ég hef aldrei komist upp á lagið með að drekka mjólk og er ekki hrifin af mjólkurvörum borða t.d. helst ekki skyr. En ég þarf að taka það í gegn hjá mér því ég á að drekka meiri mjólk.
Í morgun fékk ég mér svo eina ristaðabrauðsneið með 11% osti og sultu og 1 1/4 dl af appelsínusafa og kaffi.

Jæja best að fara að eldahádeigismatinn ætli ég hafi ekk fisk, svo ætla ég að fara út í fjárhús aftur til að tékka á rollunum. Sjáumst síðar.

2004-04-29T11:01:00.000Z

YNDISLEGT LÍF

Ég er svo ánægð með mig. Það gengur allt svo vel og ég finn bara ekki fyrir neinu. Fór í veislu í gær til ömmu minnar sem átti afmæli og viti menn ég bara sat fyrir framan allar krásirnar og brosti og drakk mitt kaffi. Amma var nú eitthvað að ýta á mig að fá mér og svona en neibb ekkert takk fyrir mig. Fékk mér reyndar eina matskeið af brauðrétti hjá henni bara til að þyggja eitthvað. Mér fannst þetta ekkert mál og upplifði mig ekkert sem eitthvert fórnalamb, var bara hæst ánægð og spjallaði og trallaði eins og mér einni er lagið. Stalst svo á vigtina áðan og viti menn ég stend á sléttu 100. Jíbbí heilt kíló farið frá því á þriðjudag, það hefur greinilega borgað sig að vera svona mikið úti í gær. Kannski verður bara þriggjastafa múrinn rofinn á næsta þriðjudag hver veit. Annars fer ég í vigtun til Kristínar á þriðjudaginn og mér kvíður svoldið fyrir. Sú vigt sínir mikklu þyngra en vigtin mín og þá lendi ég kannski í því að þurfa rjúfa múrinn tvisvar, en ég læt ekki deigan síga og smæla bara framan í heiminn og allar vigtirnar hans.

Fékk mér 120 grömm af hakki í grítu í hádeiginu í gær. 300 grömm af grænmeti með því og eina ristaðabrauðsneið 30 grömm með smjöri 5 grömm. Var ekki alveg nógu dugleg í vatninu í gær en ætla að standa mig betur í dag.
Fékk mér svo í kvöldmatinn svínalund 170 grömm með 75 grömmum af hrísgrjónum 300 grömmum af grænmeti og sósu. Svo um kvöldið fékk ég mér te og eina appelsínu. Fékk mér eina ristaðabrauðsneið með kotasælu og sultu í morgunmat og eina appelsínu.

Uppáhaldsveðrið mitt úti núna, logn og rigning, og mér dauðlangar út en er föst yfir stelpunni en hún sefur inni núna því vagninn hennar gleymdist úti í gær og varð allur rennandi blautur. En ætla að fara út á efti og láta karlinn vera með hana og reyna að hreifa mig soldið.

2004-04-28T14:43:00.000Z

SO FAR SO GOOD

Yndislegt veður úti þannig ég ætla að hafa þetta stutt núna og skella mér út. Er reyndar búin að vera úti í allan morgun en hey það er ekki hægt annað.
Gær dagurinn var frábær og allt gengur eins og vel smurð vél (enn þá 7 9 13) Ég finn ekki neitt fyrir þessu og held því bara áfram og áfram og áfram eins og enerdæser kanínan. Mjög sátt við árangurinn hjá mér og vona að þetta gangi svona vel áfram. Búin að setja mér föst markmið og hljóma þau svona. Fyrir afmælið mitt (sem er 9 okt.) ætla ég að vera búin að léttast um 13 kg. sem sagt ég hef 23 vikur í það. Svo eftir aðrar 23 vikur (sem er 15 mars) ætla ég að vera búin að léttast um önnur 13 kg. Þá hef ég 13 vikur til að missa 7-10 kg fyrir brúðkaup. Yesssss þetta verður æði. Hófleg markmið eru best en ef mér finnst þetta rok ganga þá kannski breyti ég þessu eitthvað.

Fékk mér 120 g af kjúklingaborgara í hádeiginu í gær og 340 g af grænmeti og eina 30g ristaða brauðsneið. Í kaffitímanum fékk ég mér eina ristaðabrauðsneið með kotasælu (30g) og sultu (5g). í Kvöldmatnum fékk ég mér 300g af grænmeti og 170 af nautahækki í grítu. Um kvöldið fékk ég mér eina appelsínu og te.

Í morgun fékk ég mér 1 dl af létt AB mjólk og eina 30 gramma ristaðabrauðsneið með 30g af létt kotasælu og 1 tsk af sultu og hálft mangó. Í hádeiginu fékk ég mér 350 gr. af grænmeti og nautahakk í grítu 120 g. Svo ætla ég að fá mér appelsínu núna og drekka fullt af vatni.
Jæja best að drífa sig út í góða veðrið sjáumst síðar.

2004-04-27T10:54:00.000Z

Töludagurinn mikli.

Jæja þriðjudagur í dag og auðvita var stigið á vigtina og allt klappið mælt. Ég hef lést um heilt kíló og er því núna 101 þannig að það eru 2500g farin af mér á tvemur vikum, nokkuð gott það.

Nýustu tölur: MAGI:127,5 RASS:123 LÆRI:72,5 MITTI:106,5 UPPHANDLEGGIR:38 BRJÓST: 122

Samtals eru þetta 12,5 cm sem eru farnir eða 28 cm í alls á tvemur vikum, bara nokkuð ánægð með það.

Í hádeiginu í gær fékk ég mér 120g af fiski og 310g af grænmeti og hálfa rúgbrauðsneið (30g) gat ekki klárað matinn. Í kvöldmatinn fékk ég mér 170g af kjúklingaborgara og 330g af grænmeti og 100g af frönskum. Svo um kvöldið blandaði ég mér shiek úr 6 dl. af létt AB mjólk einum banana og einni peru og fékk mér tvo glös. Í morgunmat í morgun fékk ég mér ristað brauð (30g) og 3 tsk af kotasælu (15g) og eina tsk af sultu (5g) drakk vatn og te með og svo hálft mangó.

Var rosalega dugleg í gær í útiverunni og ætla að reyna að stefna á það að fara alla vega einu sinni út á deigi hverjum í einhverja hreyfingu, þó svo það sé ekki annað en að rölta út í fjárhús. Þessi árangur hvetur mig mikið áfram plús þá finn ég ekkert fyrir þessu ég er aldrei svöng og finnst ég ekki vera að missa af neinu. Fór til ömmu í gær og hún er alltaf sama drottningin heim að sækja og fór að tína út kökur og fínerí ég sagði henni að ég vildi ekkert og stóð við það þó svo að hún hafi komið með uppáhaldskökuna mína á borðið. Fékk mér bara kaffi og hafði það fínt. Þarf að fara kaupa mér nýja vigt hún er alveg ga ga þessi sem ég á núna enda er hún 30 ára gömul eða eitthvað. Ætla að splæsa á mig svona fínni tölvuvigt svo ég geti nú farið að sjá þetta í grömmum. Annars fer ég í vigtun í næstu viku til hennar Kristínar og það verður gaman að sjá hvort ég verði jafn þung og ég var þegar ég hætti í "kúrnum" í janúar. Þyngdist um alla vega 5 kg eftir að ég hætti þá svo þetta verður spennandi. Bara svona rétt í lokin langar mig til að hvetja ykkur allar áfram því ykkar árangur er minn! Þá meina ég að ég fyllist öll eldmóði og krafti í að halda áfram þegar ég sé að ykkur er líka að ganga vel.

2004-04-26T12:29:00.000Z

Frábært!!

Stalst á vigtina áðan þó svo ég eigi ekki að vigta mig fyrr en á morgun og vitiði bara hvað ég er búin að léttast um HEILT kíló. Ekkert smá ánægð, greinilega of fljót á mér í gær að væla og veina. Borðaði morgunmat fékk mér þetta venjulega ristaða brauð (30g) og 1 tsk (5g) af Olivio smjöri og 11% ost (40g) svo einn banana og 2 dl af létt AB mjólk. Drakk tvö glös af vatni og reyni að halda mér vel við það því ég er svo bjúggjörn.
Yndislegt veður í dag þannig að ég dreif mig út eftir að ég var búin að setja stelpuna út í vagn. Fór með Binna að hjóla þ.e. hann hjólaði og ég hljóp á eftir sem var mjög góð hreyfing. Svo röllti ég mér útí fjárhús en það eru góðir 300 metrar þangað. Setti hestana út og gaf rollunum. Svo á bakaleiðinni undraðist ég á hvað ég væri lítið móð og finn að þolið er greinilega að koma aftur. Þarf bara að eignast hjól svo ég geti hjólað hér um sveitina.
Lilja takk kerlega fyrir linkinn og peppið það var mér mikis virði, tileinka þér þetta kíló sem er farið þarf endilega að koma mér upp kommentakerfi bara kann það ekki en ætla að biðja stóra bróðir minn að koma því á fyrir mig.

2004-04-25T18:58:00.000Z

Góður dagur.

Jæja þetta er búið að ganga mjög vel í dag. Það er búið að vera svo ofboðslega gott veður að ég skellti mér með Sveini út að labba. Það var yndislegt. Ekkert átkast í dag enda hef ég ekki fengið mér neitt sem vekur í mér sykurpúkann. Ég fékk mér 120g af þurrsteiktu svínakjöti sem var marenerað í sólþurrkuðum tómötum basil. Með var 350g af grænmeti steikt upp úr soyjasósu og svo náttúrulega vatn. Fann fyrir því að ég var gjörsamlega að springa þegar ég var aðeins meira en hálfnuð sem er mjög gott því það þýðir að maginn er að minka. Svo fékk ég mér eina ristaða brauðsneið í kaffinu (30g) með 2tsk (10g) af kotasælu og 1 tsk (5g) af sykurlausri sultu og svo kaffi með smá mjólk útí.

Er svolítið fúl því ég er oft að lesa inná öðrum átaksbloggum að fólk sé að missa 10,20 jafnvel 30 kg á bar nokkrum mánuðum en mér finnst þetta ekkert vera að ganga hjá mér. Er náttúrulega alltaf að stelast til að stíga á vigtina og hún sýnir enn þá bara 102 og virðist ekki haggast. Svo er ég alltaf að stelast til að mæla mig líka og mér finnst ég ekki vera að missa neina sentimetra heldur. Ég er bara fúl. En góðir hlutir gerast hægt og það er ekki ætlast til þess að þetta gerist bara yfir nótt. Það er fyrir mestu að ég held áfram og missi mig ekki.

2004-04-25T12:13:00.000Z

Réttlætingar.

Ég fékk átkast í gær og réttlætti það með allskonar vitleysu. Ég át 3 mjólkurkex, eina möffins svo páskaeggið. Ég sagði sjálfri mér að það væri laugardagur og svo framvegis, bjánalegar afsakanir. En ég held ótrauð áfram. Í morgun fékk ég mér ristað brauð (30g)og 2 tsk af kotasælu (10g) og 1 tsk af sykurlausi sultu (5g) og eitt vatnsglas og einn kaffibolla með mjólk útí og eina appelsínu. Ég er bara södd og sæl núna. Annars er ég farin að taka eftir því að maginn á mér sé að minka þá meina ég ekki ummálið heldur hvað ég get sett mikið ofan í hann.

Ég er drulluhrædd ef ég sýnu þessu of mikinn áhuga þá fái ég megrun á heilan og verði alltaf á vigtinni og koxa á öllu saman ég geri mér grein fyrir því að þar er fín lína á milli þess að vera með þetta á heilanum og vera meðvitaður. Ég reyni að halda mér bara meðvitari. Annars er ég svo óþolinmóð að það er alveg óþolandi ég ætla að taka þetta með trukki og dýfu núna og verða mjó á fjórum vikum en skinsemin segir mér auðvita annað. Ég er annars ekkert í megrun heldur er ég búin að breyta um lífstíl. Ég ætla mér að vera meðvituð alla æfi svo ég endi ekki eins og ég er núna eftir að ég er búin að ná af mér öllu. Sjáum til hvort ég standi mig bara ekki.

2004-04-24T15:25:00.000Z

hjálp, hjálp, hjálp

Ég er brjálaður fíkill. Ég get ekki hamið mig! Áðan þá réðst ég á páska eggið hans Binna og át og át alla vega svona 50, 60, grömm. Ég er brjáluð út í mig núna, ég meira að segja fékk mér kaffi með svo að þetta rynni nú allt sem best niður. Ég léttist ekkert með þessu áframhaldi. Ég fékk mér annars 110g. af kjúkling og 300g. af grænmeti og átti nú að vera 30g af brauði með en ég fékk mér nokkrar franskar í staðin. Svo fékk ég mér rúmlega eina tsk. af pítusósu með og skolaði öllu niður með vatni eins og ráð gera fyrir. Það verður gaman að sjá hvort eitthvað gengur á þriðjudaginn.

2004-04-24T12:42:00.000Z

Og svo....

Hér eru svo málin mín frá síðustu vikum. Í framtíðinni þá kem ég með þetta alltaf á þriðjudögum því þá vigta ég mig og mæli.

13/4'04 magi:133, rass:128, læri:76,5, mitti:114, brjóst:126, upphandleggir:40, vigt:103,5

20/4'04 magi:130, rass:124,5, læri:75, mitti:111,5, brjóst:123, upphandleggir:38, vigt:102

Næsta máltaka verður 27/4.

Ég set mér engin markmið önnur en þau að ég vil vera komin niður fyrir 75 kílóin fyrir 16 júlí 2005 en þá höfum við Sveinn ákveðið að gifta okkur. Svo er bara að halda áfram.

2004-04-24T12:32:00.000Z

Jæja góðan daginn.

Nú er ég sest hér niður til að halda matardagbók og þyngdartöludagbók. Ég vona bara að engin finni þetta. Alla vega í dag er Laugardagur og ég er búin að vera í átaki síðan 13. apríl 2004. Ég notast við vigtunarráðgjafa. Síðan 13 apríl hef ég lést um 1500 grömm eða 3 smjörlíkisstykki. og mist 15,5 cm. allt í allt.

Ég er búin að borða morgunmatin og fékk mér ristað brauð með létt kotasælu og sultu. Ég drakk 1 kaffibolla með mjólk og 1 vatnsglas og svo eina appelsínu. Ég stal mér einum súkkulaði bita frá Binna. Er núna að sjóða kjúkling sem ég hyggst hafa í hádeigismatinn.